• Реклама
• m.std.uz
• facebook
• twitter
• telegram
• instagram
• RSS
• Алоқа

Бугун 4 декабрь, 2025 йил, пайшанба.

• O'zbekcha
• Русская
• English

• LIVE
• Фаол мухлис
• Фут.башорати
• Викторина
• Блог
• Конференция
• Афсоналар
• Видео
• ТВ-Онлайн
• ТВ-дастур
• Трансфер
• Юмор
• Энг-энг...
• Кирманг

• АПЛ

  жадвал    тақвим    тўпурарлар
  • • 03.12.2025 00:30
    • Борнмут
    • 0:1
    • Эвертон
  • • 03.12.2025 00:30
    • Фулхэм
    • 4:5
    • Манчестер Сити
  • • 03.12.2025 01:15
    • Ньюкасл
    • 2:2
    • Тоттенхэм
  • • 04.12.2025 00:30
    • Арсенал
    • 2:0
    • Брентфорд
  • • 04.12.2025 00:30
    • Брайтон
    • 3:4
    • Астон Вилла
  • • 04.12.2025 00:30
    • Бёрнли
    • 0:1
    • Кристал Пэлас
  • • 04.12.2025 00:30
    • Вулверхэмптон
    • 0:1
    • Ноттингем Форест
  • • 04.12.2025 01:15
    • Лидс
    • 3:1
    • Челси
  • • 04.12.2025 01:15
    • Ливерпуль
    • 1:1
    • Сандерленд
  • • 05.12.2025 01:00
    • Ман. Юнайтед
    • -:-
    • Вест Хэм
• Ла-лига

  жадвал    тақвим    тўпурарлар
  • • 03.12.2025 01:00
    • Барселона
    • 3:1
    • Атлетико
  • • 03.12.2025 23:00
    • Атлетик Бильбао
    • 0:3
    • Реал Мадрид

Хабарлар архиви

Якунланган мавсум Суперлигада қолиш вазифасини бир амаллаб уддалаган «Металлург»нинг тарқатиб юборилгани ачинарли ҳол, албатта.

 Табиийки, бир қатор футболчилар ўзига яраша тарихга эга жамоа ҳаётида ёрқин из қолдиришди. Бекободда 2,5 йил фаолият олиб борган Босния ва Герцоговина вакили Керим Палични бемалол шундайлар қаторида тилга олиш мумкин. Хўш, тажрибали ярим ҳимоячи айни пайт нима билан машғул, унинг кейинги режалари қандай? Яқинда Керим билан боғланиб, шу хусусда суҳбатлашдик.

- Аввало, «Металлург» учун кўнгилсиз кечган мавсум хусусида тўхталсангиз...

- Ҳа, жамоа ўз тарихида бундай оғир мавсумни кўрмаган бўлса керак... Ахир чемпионатда узоқ вақт ғалаба нималигини билмадик. Ваҳоланки, ҳар қандай рақибга муносиб қаршилик кўрсатдик, аммо нимадир етишмади-ўхшамади. Охирги турларда бироз жонланиб, вазиятни ўнглаганимиз ва Суперлигада қолиш вазифасини бажарганимизни ҳисобга олсак, жамоа билан юз берган кейинги во­қеалар жуда аламли... 

- Умуман, «Металлург»нинг Суперлигада бу даражада ёмон иштирок этишига нима сабаб бўлди?

- Бу саволга жамоа футболчилари ҳам, мураббийлари ҳам аниқ жавоб беролмасалар керак. Қайтараман, аксарият ўйинларда рақибдан асло қолишмадик, мағлубият билан якунланган баҳсларда ҳам охиригача курашдик. Омадсизлик ва вазиятлардан фойдаланолмаслик ортидан салбий натижалар кўпайгани  сари йигитларда босим кучайди. Оддий айтганда, вазият тақозосига кўра, шундай ҳолатга тушиб қолдик. Бошқа яна нима дейишим мумкин...?   

- Бошида жамоа хорижлик мутахассислар бошқарувида пастга шўнғиди, кейин ишни маҳаллий мураббийлар давом эттиришди. Балки мураббийлар штабидаги қўнимсизлик ҳам «Металлург» зарарига ишлагандир... 

- Футболчи сифатида мураббийлар ишини муҳокама қилишим ножоиз. Эҳтимол, маҳаллий мутахассислар эртароқ бошқарувни қўлга олишганида, вазият бу қадар оғирлашиб кетмасми-ди...? 

- Биздаги маълумотларга қараганда, «Металлург» билан шартномангиз 30 ноябрь кунигача мўлжалланган эди. Декабр­даги ўйинларда ҳам иштирок этганингизни ҳисобга олсак, келишув муддати узайтирилганди, шундайми? 

- Ҳа, «Металлург»ни оғир ўйинлар кутиб турганини назарда тутиб, битимни янгилагандик, фақат қисқа муддатга - 10 декабргача. 

- Ўзбекистонда 2,5 йил ўйнадингиз. Ички биринчилигимиз ва юртимизга боғлиқ умумий таассуротларингиз қандай?

- Маҳаллий чемпионат савияси чакки эмас. Айниқса, охирги мавсум Суперлигада ўткинчи ўйинлар қолмади, ҳисоб. Мамлакатингизга келсак, менга ғоят гўзал анъана ва маданиятга эга ўлкада фаолият юритиш насиб этганидан хурсандман. Ўзбекистон иккинчи ватаним бўлиб қолди. Бунда муболаға йўқ. Зеро, юртингизда унутилмас дамларни ўтказдим, ажойиб футбол оиласида яйрадим. Қисқаси, Ўзбекистоннинг юрагимда чуқур жой олгани тайин. 

- Энди режаларингизга ҳам тўхталсангиз. Суперлигага қайтишингиз мумкинми, ўзи клублардан чорловлар борми?

- Таклифлар йўқ эмас, лекин озгина дам олишим керак. Чунки оғир мавсумдан сўнг руҳий толиқиш бор. Яна бироз ўзимга келиб олай, кейин янги чақириқлар устида бош қотираман. Агар Ўзбекистонга қайтиш учун муносиб вариант чиқса, рози бўламан, албатта.

- Бекободдаги фаолиятингиз давомида молиявий муаммолар ҳам сезилганмиди? Умуман, ўзбек футболида қандай камчиликларни пайқадингиз? 

- «Металлург»да ҳеч қачон маош ёки таъминот масаласида муаммо кўрганим йўқ. Чунки клуб ортида молиялаштирувчи механизм бор эди. Шундай клубнинг тўсатдан тарқатилиши ачинарли... Ўзбек футболидаги камчиликлар ҳақида эса мутахассислар гапиришгани маъқулроқ. 

- Охирги савол: Ўзбекистондаги фаолия­тингиз давомида нималарга эришдингиз? Бу тажриба фаолиятингиз учун қай даражада фойдали бўлди? 

- Табиатан янги тажрибага ўчман. Ўзбекистон чемпионатида ўйнаш орқали футболчи сифатида янада ўсишга эришдим, ўзгача маданият билан танишдим, янги-янги дўстлар орттирдим. Шундай экан, бу тажриба келажакда ҳам қайсидир жиҳатдан асқотишига ишонаман.

ХУРШИДБЕК суҳбатлашди