"Интер Майами" ва Аргентина терма жамоаси юлдуз ҳужумчиси Лионель Мессининг шахсий тансоқчиси Яссин Чуэко ижтимоий тармоқда пост эълон қилди. У майдонга чиққан мухлис уни йиқитиб юборган вирусли видеога жавобан изоҳ қолдирди. Чуэко мухлисни Мессига етиб боришидан тўсишга уринган эди.
«Гондурас ва Перудаги стадион хавфсизлик хизматлари ходимларига уларнинг профессионализми ва ёрдами учун чин қалбимдан миннатдорлик билдирмоқчиман. Бу мен учун ҳақиқатан ҳам бебаҳо бўлди.
Мухлисларни ушлаш менинг вазифам эмас. Бу стадион хавфсизлик ходимларининг мажбурияти. Аммо ростини айтсак, уларнинг аксарияти— мен бу ерда “аксарият” сўзини ишлатяпман, умумлаштирмасдан — ўз вазифасига тўлиқ эътибор қаратмайди. Улар хавфсизликни таъминлаш ўрнига ўйинни томоша қилиш ёки сурат ва видео олиш билан банд. Улар эътиборсизлик қилгани учун, бундай ҳолатларда ўз ташаббусим билан аралашиб, вазиятни ҳал қилишга қарор қилдим.
Ҳурматли хавфсизлик ходимлари, сизларни чин дилдан ва жиддий равишда илтимос қиламан: ҳушёр бўлинг! Сизга топширилган ишни қилинг! Стадион, ўйинчилар ва мухлислар хавфсизлиги сизга боғлиқ. Мен ҳар доим ёнингизда бўламан, зарурат туғилганда аралашишга тайёрман. Аммо агар сиз ўз вазифангизни бажармасангиз, менга бу миссияни ёлғиз уддалаш жуда қийин бўлади.
Мен машҳур одам эмасман, менинг эгом йўқ. Айрим оммавий ахборот воситалари даъво қилганидек, мен йилига 3 миллион доллар ишламайман. Мен миллионлаб бошқа ишчилар каби оддий меҳнаткашман, кундалик вазифаларимни масъулият ва фахр билан бажариш учун қўлимдан келганини қиламан. Менинг вазифам – мен ишлайдиган одамларнинг хавфсизлигини таъминлаш ва ҳеч бир мухлисга зиён етказмасликдир. Ва бунга эришиш учун қўлимдан келган барча нарсани қилишга тайёрман.
Мен майдон бўйлаб кроссовкада югуришга тайёрман. Минглаб одамлар олдида юзим билан йиқилишга ҳам. Агар зарур бўлса, йиқитилишга ва таҳқирланишга ҳам. Бунинг ҳеч бири мен учун аҳамиятга эга эмас. Чунки менинг имижим муҳим эмас – фақатгина миссиям муҳим. Ва агар бир кун келиб ўз бурчимни бажариш учун ҳаётимни беришимга тўғри келса, мен бунга ҳеч қандай иккиланишсиз тайёрман», – деб ёзди Чуэко ўз ижтимоий тармоқдаги саҳифасида.
Чуэко АҚШ армиясининг собиқ "спецнази" бўлиб, Ироқ ва Афғонистонда ҳарбий тажриба орттирган, жанг санъатларини яхши ўзлаштирган ва бир неча марта ММА жангларида қатнашган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ўзбекистон
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
