Freestyle Chess. Синдаров ва Абдусатторов бугунги ўйинларда мағлуб бўлишди
Германиянинг Вайссенхаус шаҳрида "2025 Freestyle Chess Grand Slam" мусобақасида якунига етиб бормоқда.
Жавоҳир Синдаров бугун учинчи ўрин учун Синдаров эса норвегиялик Магнус Карлсенга қарши дона сурган бўлса, Нодирбек Абдусатторов эса 5-ўрин учун Хикару Накамурага қари дастлабки ўйинни ўтказди.
Жавоҳир Магнусга қарши ўйиннинг 14-юришида пиёда билан ноаниқ юришни амалга ошириши оқибатида устунлик рақиблик томонига ўтди. Карлсен бу устунликни ўйин охиригача қўлдан чиқармади ва 28-юришга келиб ғалабани расмийлаштирди.
Абдусатторов эса 5-ўрин учун АҚШлик Хикару Накамурага қарши оқ доналарда ўйнади. Ўйин сўнгида йўл қўйилган хатолар туфайли ҳамюртимиз имкониятни бой берди.
Эртага, шахматчилар ўртасида иккинчи ўйин ўтказилади.
Эслатиб ўтамиз, мусобақанинг мукофот жамғармаси — 750.000 долларга тенг. Ғолиб шахматчига 200.000 доллар берилади. Финалчи 140.000 долларга эга бўлса, 3-ўрин эгасига 100.000 берилади. 4-ўрин эгаси 60.000, 5-ўринни қўлга киритган шахматчи эса 50.000 доллар билан уйга қайтади.
Манба: stadion.uz
Киритилди: 21:52, 13.02.2025. Ўқилди: 2195 марта. Фикрлар: 5 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар