ОФК Элит чемпионлар лигаси нимчорак финал босқичи доирасида «Пахтакор» Саудия Арабистонида «Ал-Ҳилол» клубига қарши жавоб ўйинини ўтказди. Унда мезбонлар йирик ҳисобда ғалаба қозонишди. "Пахтакор" эса Тошкентда ғалабага эришганига қарамай, мусобақани тарк этди.
Учрашувнинг илк дақиқаларида "Пахтакор" ҳимояда қаттиқ турди. Жонатан бир нечта хавфли зарбаларни қайтариб, дарвозани соф сақлаб турди. Бироқ 31-дақиқада рақибнинг босими ўз самарасини берди ва ҳисоб очилди. Иккинчи бўлим тугашига 3 дақиқа қолганида Малком "Пахтакор" посбони билан яккама-якка вазиятга чиқди ва иккинчи голни урди.
Танаффусдан кейин "Пахтакор" битта жавоб тўпини киритиши мумкин эди. Аммо "Ал-Ҳилол" дарвозабони ажойиб сэйв эвазига жамоасини қутқариб қолди. 51-дақиқада эса Алижонов қўполлик ишлатгани учун пенальти белгиланди. Салим ад-Довсарий ундан самарали фойдаланиб, ҳисобни 3:0 кўринишга келтирди.
"Пахтакор" қолган дақиқаларда ҳужумлар уюштиришга уринди, аммо Холматов ва Сергеевнинг ҳаракатлари ҳисобни ўзгартира олмади.
90+3-дақиқада "Ал-Ҳилол" чиройли комбинация ташкил қилди ва тўртинчи голни урди.
Элит Чемпионлар Лигаси, нимчорак финал
"Kingdom Arena" стадиони
"Ал-Ҳилол" - "Пахтакор" 4:0
Голлар: Ҳамад ал-Ямий (31), Малком (42), Салим ад-Довсарий (51-пенальти), Носир Довсарий (90+3)
Дастлабки ўйин — 0:1
Матнда хатолик топсангиз, ўша хатони белгилаб, бизга жўнатинг (Ctrl + Enter).