Яқинда «Лацио» билан шартномаси муддатини яна бир йилга узайтирган клуб фахрийси Педро Родригес фаолиятини совриндор сифатида якунламоқчи. 28 июль куни 38 ёшни қаршилаган испаниялик ҳужумкор ярим ҳимоячи El Dia de Tenerife нашрига берган интервьюсида шу ҳақда гапиришдан ташқари, «Олтин тўп»-2025ни ким олиши кераклиги ва албатта, «Барселона» билан боғлиқ хотиралари юзасидан гапирди.
«Олтин тўп» сўрови
- Менга қолса, бу йил «Олтин тўп»ни «Барселона» тарбияланувчиси Педрига берардим. Тўғри, якунланган мавсум Ламин Ямал, Дембеле ва Рафинья каби иқтидорли футболчилар ҳам мукофотга лойиқ ўйин намойиш этишди. Лекин бу рақобатда Педри ғалаба қозонишини истардим, барибир. Футбол элитаси Педри тимсолида Тенерифе ва Канар оролларидан чиққан, майдонда ҳар доим борини берадиган яна бир юлдузча билан бойигани биз учун катта шараф уйғотади. Унинг айни пайт ўз позицияси бўйича дунёдаги энг кучли ижрочи эканлигига шубҳам йўқ.
Нико Уильямснинг ўхшамаган трансфери
- Нико келажаги буюк футболчилар қаторида эътироф этилмоқда ва у бунга лойиқ. Афсуски, футболга алоқаси йўқ сабаблар оқибатида трансфери амалга ошмади. Нико Испания терма жамоасининг бир қисми саналган «Барса» футболчилари билан яхши муносабатда ва клуб ўйинига ўзгача жозиба қўша оларди. Ишончим комил, қачондир ушбу масала яна кўтарилса, томонлар муваффақиятли битим бўйича ечим топишади, албатта.
Фаолиятининг якуний қисми
- Айни пайт «Лацио»даги сўнгги мавсумдан тўлиқ роҳатланишни ўйлаяпман. Мавсум бошиданоқ юқори ўринларда боришимизни истардим. Зеро, фаолиятимни соврин ютган ҳолда якунламоқчиман. Биламан, бу осон эмас, лекин имконият бор экан, орзу рўёби йўлида қўлдан келганича ҳаракат қиламан. Асосийси, яқинларим катта футболдаги сўнгги ўйинларимдан чинакамига завқланишса, бас. Агар улар якунда мени шоҳсупада кўришса, нур устига аъло нур. Бутсаларимни михга илганимдан кейин ҳам футболга дахлдор қандайдир иш билан шуғулланмоқчиман.
«Барса»даги илк кунлар хотираси
- Гвардиола ўз хонасига чақириб, Эскерро бетоблиги ва унинг ўрнига майдонга тушишга тайёргарлик кўришимни айтганида, қандай ҳолатга тушганим эсимда. Очиғи, аввалига бунга ишонмадим, бироз ҳаяжонландим, кейин дарҳол оиламга қўнғироқ қилиб, хушхабарни етказдим. Шу тариқа яқинларим ўйинимни жонли эфирда томоша қилиш учун Абадесда жамланишди. «Барселона»даги дебютим? О, буни унутиш мумкинми? Ахир ўшанда кимсан Самуэль Это'О ўрнига майдонга тушгандим - бир умрлик унутилмас лаҳзалар...
«Барселона» эволюцияси
- Мен билан бирга ўйнаган баъзи йигитлар элит даражага чиқишди, айримлари эса йўқ. Умуман, ажойиб футболчилар гуруҳи йиғилганди - Пике, Виктор Вальдес, Жованни дос Сантос, Боян Кркич... Айрим футболчиларнинг юқори босимга бардош беролмаганлари бошқа масала. Зеро, футболда кимларнидир ишлари юришади, баъзилар эса катта қийинчиликларга дуч келишади.
МУҲАММАДХОН тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
