«Манчестер Юнайтед» Антони трансфери учун «Бетис» таклифини қабул қилди
«Манчестер Юнайтед» ва «Бетис» бразилиялик ҳужумчи Антонининг трансфери бўйича келишувга эришишди. Испания клуби унинг учун 25 млн фунт (28,7 млн евро) тўлайди.
Шу билан бирга, «қизил иблислар» вингернинг келгуси трансфери амалга ошса, 50% улуш олади. Ҳозирча Антони «Бетис» билан шахсий шартлари бўйича келишиб олиши лозим. Бу ҳақда журналист Бен Жейкобс ижтимоий тармоқ X саҳифасида хабар берди.
Ўтган мавсумнинг иккинчи қисмида ҳужумчи «Бетис» сафида ижара асосида ҳаракат қилган эди. У шу муддат ичида турли мусобақаларда 26та учрашувда майдонга тушиб, 9та гол ва 5та голли узатма қайд этди. Футболчининг «Манчестер Юнайтед» билан амалдаги шартномаси 2027 йил ёзига қадар мўлжалланган. Transfermarkt маълумотларига кўра, Антонининг бозор нархи 35 млн еврони ташкил этади.
Манба: championat.com
Киритилди: 06:19, 30.08.2025. Ўқилди: 1173 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар