Ҳиндистон крикетчилари Покистон жамоаси билан учрашувда уларга қўл сиқишдан бош тортди. Бу ҳақда Покистон мураббийи Майк Ҳессонга таяниб, BBC хабар берди.
Дубайда бўлиб ўтган Осиё кубоги доирасидаги учрашувда Ҳиндистон етти зарба фарқ билан ғалаба қозонди. Аммо ўйиндан кейин капитан Сурякумар Ядав ва унинг ҳамроҳи Шивам Дубе одатдагидек майдон марказида рақиб билан қўл сиқиш ўрнига дарҳол майдонни тарк этди.
Покистонлик ўйинчилар майдонни тарк этар чоғи Ҳиндистон жамоаси томон йўналган, бироқ рақиблар аллақачон кийим алмаштириш хонасига кириб кетган. Ҳатто қуръа ташлаш вақтида ҳам Сурякумар ва Покистон сардори Салман Агҳа қўл сиқишмаган.
“Биз ўйин якунида қўл сиқишга тайёр эдик. Рақибларимиз бундай қилмаганидан афсусдамиз”, деди янги зеландиялик Ҳессон.
Ўйиндан кейинги нутқида Сурякумар Ядав ғалабани “Ҳиндистонга мукаммал қайтарилган совға” деб атади.
“Бугунги ғалабамизни жасорат кўрсатган барча қуролли кучларимизга бағишлаймиз. Террорчилик ҳужуми қурбонлари ва уларнинг оилалари билан бирдаммиз”, деди у.
Покистон жамоаси вакилларидан ҳеч ким сўзга чиқмаган. Ҳессоннинг айтишича, бундай қарор Ҳиндистон жамоасининг қўл сиқишдан бош тортганига жавобан қабул қилинган.
“Биз уларнинг олдига қўл сиқиш учун бордик, лекин улар аллақачон кийим алмаштириш хонасига кетиб қолган экан. Ўйинни шундай якунлаш ачинарли бўлди. Ўз ўйинимиздан қониқмаганимизга қарамай, қўл сиқишга тайёр эдик”, деди Ҳессон.
Ҳиндистон ва Покистон апрель ойида Кашмирда сайёҳларга уюштирилган жангарилар ҳужумидан сўнг тўрт кунлик ҳарбий тўқнашувга киришган эди. Ҳиндистон бу ҳужумда Покистонни айблаган, бироқ Исломобод буни рад этган. Бу икки қўшни давлат ўртасидаги сўнгги ўн йилликдаги энг шиддатли тўқнашув бўлиб, унда ўнлаб одамлар ҳалок бўлди.
Давлатлар аллақачон халқаро мусобақалардан ташқари бир-бирлари билан крикет ўйнамасди. Осиё кубогини бекор қилиш ёки бойкот қилиш ҳақидаги чақириқларга қарамай, мусобақа барибир ўтказилди. Шунингдек, февраль ойида Чемпионлар кубоги доирасидаги аввалги учрашув ҳам Дубайда ўтказилган, чунки Ҳиндистон турнир мезбони бўлган Покистонга боришдан бош тортган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
