Бугун ОФК Элит чемпионлар лигаси мусобақасининг 2-тури доирасида Қаршининг "Насаф" клуби ўз майдонида Саудия Арабистонининг "Ал-Ҳилол" жамоасини қабул қилади.
Таъкидлаш керакки, Осиё чемпионлар лигасида 4 марта чемпионликни қўлга киритган ушбу клуб шу вақтгача Ўзбекистон клублари билан 24 марта куч синашган ва атиги 3 та ўйинда ўзбек клубларига мағлуб бўлган.
Бугун "Ал-Ҳилол" клуби устидан қозонилган ғалабаларни эслаймиз.
"Машъал" 2:1 "Ал-Ҳилол" (2006)
2006 йилнинг 26 апрель санасида Муборакнинг "Машъал" жамоаси Саудиянинг "Ал-Ҳилол" клубини қабул қилди. Осиё Чемпионлар лигасининг 4-туридан ўрин олган ушбу ўйинни томоша қилиш учун Қаршидаги "Марказий" стадионга 6 мингдан ортиқ мухлис ташриф буюрганди.
Учрашув Қашқадарё вакилининг ғалабаси билан якунланди. Ўйиннинг 50-дақиқасида Ботир Қораев ҳисобни очган бўлса, 82-дақиқада Зафар Холмуродов ҳисобидаги фарқни 2 тага етказганди.
Ҳакам томонидан иккинчи бўлимга қўшиб берилган дақиқаларда "Ал-Ҳилол" ҳужумчиси Абдуллоҳ Ал-Досари жамоасининг ягона жавоб голини киритди. Ўйин шу ҳисоб билан якунланганди.
"Локомотив" 2:1 "Ал-Ҳилол" (2016)
2016 йил Тошкентнинг "Локомотив" клуби ўз тарихида биринчи марта Осиё Чемпионлар лигасининг нимчорак финалига йўл олди. Ушбу босқичда Андрей Микляев шогирдларига Саудия Арабистонининг "Ал-Ҳилол" жамоаси рақиблик қилди. 17 май куни клублар Ар Риёд шаҳрида тўқнаш келди. Учрашув 0:0 ҳисобидаги дуранг билан якунланганди.
24 май куни ушбу жамоалар Тошкентдаги "Бунёдкор" стадионида жавоб ўйинини ўтказди. Учрашувнинг 26-дақиқасида Ислом Тўхтахўжаев ҳисобни очди. 56-дақиқада Шерзод Файзиев ҳисобидаги фарқни 2 тага етказди. 89-дақиқада "Ал-Ҳилол" сардори Муҳаммад Шалҳуб пенальтидан жамоасининг ягона жавоб тўпини киритганди.
Ўйин айнан шу ҳисоб билан якунланди ва "Локомотив" жамоаси Осиё чемпионлар лигасининг чорак финалига йўл олди.
"Пахтакор" 1:0 "Ал-Ҳилол"
2025 йилнинг 4 март куни Тошкентнинг "Пахтакор" клуби ОФК Элит чемпионлар лигаси мусобақасининг нимчорак финали доирасида "Ал-Ҳилол" жамоасини қабул қилди. Ушбу ўйинни томоша қилиш учун "Жар" стадионига 5 мингдан ортиқ мухлислар ташриф буюрди.
Учрашувнинг 29-дақиқасида "Пахтакор" жамоасининг легионер футболчилари ўйин тақдирини ҳал этдилар. Браян Риаскоснинг ажойиб узатмасини Фламарион Ясин Буну қўриқлаётган дарвозага жойлаб қўйди.
Ўйин айнан 1:0 ҳисобида якунланди. Шу тариқа, "Пахтакор" клуби ўз тарихида биринчи марта "Ал-Ҳилол"ни мағлуб этди.
Биз "Насаф" жамоасининг биринчи тур доирасида 2:4 ҳисобида мағлуб бўлган эрса-да, Элит Чемпионлар лигасининг амалдаги ғолибига қарши қай таҳлид қаршилик кўрсатганининг гувоҳи бўлдик. Демакки, "аждарлар"дан ушбу беллашувда ижобий натижа кутишга ҳақлимиз. Зеро, "Ал Ҳилол"ни енгиш ўзбек клублари учун уддалаб бўлмас топшириқ эмас.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
