“Андижон”нинг “Шўртан”га (4:3) қарши учрашувидан кейин мезбонлар бош мураббийи Максим Шацких матбуот анжуманида бир қатор саволларга жавоб қайтарди.
— Хайрли кеч! Ўйлайманки, ўйин ҳаммага маъқул келди. Доим айтаман: биз ким учун ўйнаймиз? Албатта, мухлислар учун ўйнаймиз. Учрашувда 7 та гол кўрдик, пенальтилар бўлди, хавфли вазиятларни ҳам кўрдик. Менимча, ўйинда ҳамма нарса бўлди. Мураббийларда доим бундай ўйинлар бўлавермайди. Ўйин пайтида доим ўрнингдан турасан ва яна ўтирасан. Стадионда йиғилган ишқибозлар уйларига хурсанд ҳолатда кетишди. Бу энг асосийси.
— Охирги учрашувларда Усмонали Исмоналиев олдинги чизиқда ўйнаяпти. У бу борада ўзини қандай ҳис қиляпти?
— Унга вингер сифатида фойдаланмоқчи эканимни айтгандим. Жўрақўзиев, Абдуманнопов ва Исмоналиев жой алмашиб ўйнашлари мумкин. Улар ўйинни ўзгартириб юборишди. Усмонали ҳужумга ўтганда биз гол уряпмиз. У дублга эришди ва умид қиламанки, бу охиргиси эмас. Бугун унинг куни бўлди. Фаол ҳаракатларни амалга оширди ва биз голлар урдик.
— Охирги учрашувларда Ҳамижоновда руҳий босим борга ўхшаяпти...
— Унда қандайдир босим бор деб ўйламайман. Аммо бу учрашувда у қандайдир тушунарсиз ҳаракатларни қилди. Ўйини кўриб таҳлил қилиб чиқамиз. Бу учрашувга яхши тайёргарлик кўргандӣ. Ўзи барчаси яхшилиги, ҳеч қандай муаммо йўқлигини айтгандӣ. Тушунмовчилик вазиятлари бўлиб туради. Ўйлайманки, бошқа бундай ҳолат юз бермайди.
— “Андижон” ўз дарвозасидан 3 та гол ўтказиб юборди. Марказий ва қанот ҳимоячиларидан кўнглингиз тўлдими?
— 3 та гол ўтказиб юборган бўлсак-да, кимнидир айбламоқчи эмасман. Бу ерда ҳамма жавобгар. Ҳамма тенг ҳимояланади ва тенг ҳужумга ўтади. Кимнидир алоҳида айбдор деб кўрсатмайман. Хатоларга эпизодлар сабаб бўлди. Дастлаб хатолар қаердан бошланганини кўриш керак. Бу каби камчиликларга йўл қўймаслик учун аввалги хатоларни кўриб, ўрганиб, таҳлил қилиб чиқамиз. 3 та гол ўтказиб юборганимиз учун ҳимоядан у қадар кўнгил тўлди, дейиш қийин. Барча голларга ўзимиз сабабчимиз.
— Фарҳод Соҳибжонов ва Илҳом Абдуғаниев нега ёшлар жамоасига ўтказилди?
— Улар у ерга бугун бориб қолишгани йўқ. Бунга сабаблар бор. У ердаги фаолиятини кўряпмиз. Биласизми, асосий жамоада ўйнаш учун шунга муносиб бўлиш керак. Кўпроқ ўз устида ишлаш лозим ва шунда асосий жамоада тўп суришлари мумкин. Мана, ўринбосарлар жамоасидан бир қатор ўйинчиларни жалб қиляпмиз. Барчасига вақт керак. “Андижон”га керак бўлса, уларни албатта яна қайтарамиз.
— Олег Зотеев билан Ислом Маматказин қачон тайёр бўлишади?
— Ислом якка тартибда тайёргарлик кўришга киришди. Ҳеч қандай муаммо йўқ. Тикланиб олишига бироз вақт керак. Зотеев жароҳатдан кейин қилинши керак бўлган дастурлар бўйича ишлади. Бир қанча топшириқларни бажаряпти. Кўрамиз, кейинги учрашувга умумий таркибда бўлиши мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
