«Вильярреал» клуби ўзининг расмий сайтида 17-тур доирасида АҚШда «Барселона»га қарши бўлиб ўтиши керак бўлган ўйин бекор қилингани муносабати билан Ла Лига қарорини қаттиқ танқид қилди. Ушбу беллашув 20 декабрь куни бўлиб ўтиши режалаштирилган эди.
Клуб баёнотида шундай дейилади:
«Вильярреал» АҚШда «Барселона»га қарши бўлиб ўтиши керак бўлган учрашувни ташкил этишда Ла Лига фаолиятидан қаттиқ норозилик билдиради. Клуб 20 декабрь куни Майамида ўтказилиши керак бўлган 17-тур баҳсини тайёрлаш жараёнида Ла Лига ишидан қаттиқ хафсаласи пир бўлганини маълум қилади.
Баёнотда таъкидланишича, клуб президенти Фернандо Ройг ва бош директор Фернандо Ройг Негеролес бу мавзу ҳақида жорий мавсумда бир неча марта матбуот анжуманларида фикр билдирган. Улар таъкидлашича, клуб ушбу масаладаги воқеалар хронологиясини ёдга солишни зарур деб ҳисоблайди.
Матчни Испаниядан ташқарида ўтказиш ташаббуси Ла Лига раҳбариятининг чемпионатни глобал ривожлантириш стратегияси доирасида илгари сурилган. Ёз фаслида Ла Лига «Вильярреал»га «Барселона»га қарши ўйинни меҳмон сифатида эмас, балки мезбон сифатида ўтказишни таклиф этган. «Вильярреал» бу таклифни жамоа ривожи ва мусобақа нуфузи учун фойдали деб топиб, қабул қилган.
Клуб Ла Лига таклифини икки шарт билан қабул қилган:
1. Абонемент эгаларига етказилган зарар учун компенсация тўланиши.
2. Ҳеч бир клуб бевосита молиявий фойда олмаслиги.
Ла Лига бу шартларга рози бўлган ва тайёргарлик жараёнида клуб билан яқин ҳамкорлик қилган. Бироқ сафар ва ташкилотчилик бўйича аниқлик бўлмагани сабабли, «Вильярреал» бир неча марта вазиятга ойдинлик киритишни талаб қилган ва саволлар ечилмаса, лойиҳадан чиқишга тайёр эканини билдирган.
Баёнотда айтилишича, кеча, 21 октябрь куни, клубга Ла Лига томонидан телефон орқали ўйин АҚШда ўтказилмаслиги маълум қилинган. Шу билан бирга, бу маълумот махфий тарзда берилган бўлса-да, орадан бир неча дақиқа ўтиб Ла Лига ўзи бу ҳақда расман баёнот берган. «Вильярреал» буни ҳурматсизлик ва лойиҳа бошқарувидаги жиддий хатолик деб баҳолаган.
«Клуб халқаро ривожланиш имкониятини йўқотганидан афсусда, аммо жамоа ва мусобақа манфаатларини ҳимоя қилиш йўлида ишни давом эттиради», — дейилади «сариқ сувости кемаси» баёнотида.
Эслатиб ўтамиз, Ла Лига 9-турида жамоалар белгиланган ўйинни хорижда ўтказиш режасига қарши норозилик белгиси сифатида ўйин бошида бир неча сония ҳаракатсиз қолишган эди. Шу воқеалардан сўнг Ла Лига АҚШдаги беллашувни расман бекор қилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
