«Динамо» медаллар тақдирини ҳал қиладиган ўйин учун 10 та автобусда мухлисларни Қаршига олиб боради
Мавсумнинг энг муҳим тўқнашувларидан бири эртага, 29 ноябр куни Қаршида ўтган йилги чемпион «Насаф» ва «Динамо» ўртасида бўлиб ўтади.
Самарқанд ва Қашқадарёнинг бош клублари ўртасидаги баҳс Суперлигада кумуш ёки бронза медали соҳибини аниқлаб беради. Бундай муҳим учрашувда самарқандлик ишқибозларнинг «Динамо»ни қўллаб-қувватлаши жуда муҳим. Шу боис, раҳбарият томонидан «Динамо»ни Қаршида қўллаб-қувватлаш мақсадида мухлисларнинг сафарга бориб-келиши учун 10та замонавий автобус ажратилди. Мухлислар соат 9:00да «Динамо» стадиони ёнидаги автотураргоҳда тўпланишади ва автобуслар соат 10:00да Қарши томон йўлга чиқади. Ўйиндан кейин эса яна «Динамо» стадионига қайтиб олиб келинади. Йўл-кира бепул! Қўшимча маълумот учун фан-клуб раҳбари Шавкат Бурҳоновга (+998 97 920 24 40) мурожаат қилиш мумкин.
Суперлига. 30-тур
29 ноябр (шанба)
«Насаф» - «Динамо»
Ўйин бошланиш вақти: 15:00
Стадион: Қарши, “Марказий”.
ТВ-трансляция: Спорт
Манба: fcdinamo.uz
Киритилди: 07:42, 29.11.2025. Ўқилди: 514 марта. Фикрлар: 9 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар