«Андижон» жамоаси билан шартнома имзолаган грузиялик Имеда Ашортиа куни кеча клуб матбуот хизматига интервью берди.
— Имеда, фаолиятингизда янги саҳифа очилди. Унинг саҳифаларини ёзишга тайёрмисиз?
— Ҳа, мен ниҳоятда хурсандман. Фаолиятимни энди «Андижон»да давом эттиришим мен учун жуда яхши мотивация. Шуни айтишим мумкинки, бу ерда бор кучимни ишга солиб, ўзимни кўрсатиш учун ўйнайман.
— «Андижон» клубидан таклиф олганингизда биринчи бўлиб ким билан маслаҳатлашдингиз?
— Тўғрисини айтсам, барчаси жуда тез рўй берди. Очиқ айтаман, мен кўп ўйланиб ўтирмадим. Менга Самвел Бабаян қўнғироқ қилди ва бу таклифни дарров қабул қилдим.
— Қишки таътилни қандай ўтказдингиз ва ҳозирда ўзингизни қандай ҳис қиляпсиз?
— Қишки таътилда «Бунёдкор» билан ўтказган бундай мавсумдан кейин оилам билан хордиқ чиқардим. Сизлар биласизлар, бизда доим бу борада қандайдир бажаришимиз керак бўлган дастур бўлади. Мен ўз устимда ишлаш учун машғулотларни бажардим.
— «Бургутлар»нинг бир қисми бўлиш сиз учун қанчалик муҳим?
— «Андижон» шарафини ҳимоя қилиш мен учун жуда муҳим. Ҳар бир учрашувда жамоамни яхши натижага эришиши учун 100 фоиз ўзимни кўрсатиш учун бор кучим билан ҳаракат қиламан. «Андижон»ни яхши биламан. Ўзбекистондаги оддий жамоа эмас. Худо хоҳласа, ўз амбицияларимизга содиқ қолган ҳолда яхши ҳаракат қиламиз ва ижобий натижаларга эришамиз.
— “Бобур арена”да қандай муҳитни тасаввур қиляпсиз?
— “Бобур арена” ҳақида гапирадиган бўлсам, бир марта «Бунёдкор»нинг «Андижон»га қарши ўйинида бу стадионда ўйнаганман. Ана шунда ҳис қилганманки, у ерда атмосфера жуда юқори даражада бўлади. Ишонаманки ва хоҳлайманки, янги мавсумда ҳам бундан зўр бўлади. Чунки “Бобур арена” бизники бўлганлиги учун янада бошқача кечади. Стадион мухлислар билан лиқ тўлишини жуда ҳам хоҳлайман. Бу ҳар бир футболчи учун жуда ҳам муҳим. Тўғрисини айтайми, «Андижон»га ўтишимни асосий факторларидан бири “Бобур арена”даги атмосферани зўрлиги туфайлидир.
— Янги мавсумда нечта гол уришни режалаштиряпсиз?
— Нечта гол уришимни ҳозир айта олмайман. Бироқ мен кўпроқ гол уришга ҳаракат қиламан. Негаки, ҳужумкор футболчи ҳар доим гол уришни ва жамоасига ёрдам беришни истайди. Лекин шуни айтишим керакки, мен фақатгина ўзимни ўйлайдиган футболчи эмасман. Мен учун футбол — бу спортнинг жамоавий тури. Шу сабабли мени хаёлим ва фикрим жамоамизни кўпроқ ғалаба қозонишига қаратилган ва буни хоҳлайман. Гол уришим ва жамоага ёрдам беришим эса қўшимча иш. Асосийси эса «Андижон»нинг ғалабасидир.
— Ҳамюртингиз Андроникашвилининг «Андижон» клубига ўтиши ҳақида қандай фикрдасиз?
— Ўйлайманки, Андроникашвилини жамоамизга трансфер қилиниши жуда яхши ва керакли. Чунки сифатли футболчи. Шунингдек, у грузин ва бу мен учун ҳам жуда муҳим. Худо хоҳласа, биргаликда «Андижон»ни яхши натижаларига эришиши учун ёрдам берамиз.
— Самвел Бабаян билан биринчи марта ишлаяпсиз...
— Бош мураббий ҳақида айтадиган бўлсам, уни яхши мутахассислигини ва ҳурмат-эътиборини барча яхши билади. Шу боис қарор қабул қилаётганимда, бош мураббий билан гаплашганимда ушбу жиҳатларини ҳам ҳисобга олдим. Мен у билан олдин ишламаганман. Аммо Самвел Вячеславовични биламан. Қаерда бўлмасин натижа қила олади. Шунинг учун ундан менга нисбатан қизиқиш бўлганидан сўнг чақирувини хурсандчилик билан қабул қилдим.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
