29 февралда туғилган машҳур спортчилар: Ферран Торресдан Абдуқодир Ҳусановгача
29 февраль — тақвимда фақат кабиса йилларида учрайдиган нодир сана. 2026 йил кабиса йили эмаслиги сабабли бу сана умуман тақвимда бўлмайди. Шундай бўлса-да, айнан 29 февралда дунёга келган машҳур спортчилар ҳам бор. Қуйида ана шундай спорт юлдузларидан беш нафари ҳақида маълумот берамиз.
Ферран Торрес (2000 йил 29 февраль)
Испаниялик ҳужумчи 2000 йил 29 февралда таваллуд топган. У фаолияти давомида “Валенсия”, “Манчестер Сити” ва “Барселона” каби нуфузли клубларда тўп сурди, шунингдек Испания миллий жамоаси шарафини ҳимоя қилди. Тезкорлиги ва ҳужум чизиғидаги универсаллиги билан ажралиб турадиган Торрес ёш бўлишига қарамай испан футболида муҳим фигурага айланди.
Абдуқодир Ҳусанов (2024 йил 29 февраль)
Ўзбекистонлик ҳимоячи 2004 йил 29 февралда туғилган. У турли ёш тоифаларидаги терма жамоаларда, шунингдек миллий жамоа сафида ҳам майдонга тушиб, ўзини намоён қилди. Жисмоний кучи, ҳимоядаги ишончли ҳаракатлари ва тактик савияси билан ажралиб турадиган Ҳусанов мамлакатимизнинг энг истиқболли ёш футболчиларидан бири сифатида эътироф этилмоқда.
Эрик Кендрикс (1992 йил 29 февраль)
Америка футболи юлдузи 1992 йил 29 февралда таваллуд топган. NFL лигасидаги фаолияти давомида у етакчилик фазилатлари ва ҳимоядаги юқори савияси билан танилди. Кендрикс фаолияти давомида All-Pro мақомига сазовор бўлиб, лиганинг энг барқарор ҳимоячиларидан бири сифатида ном қозонган.
Камерон Уорд (1984 йил 29 февраль)
Канада хоккейчиси 1984 йил 29 февралда туғилган. Дарвозабон сифатида у 2006 йилда “Каролина Харрикейнз” жамоасини илк марта Стэнли Кубоги ғалабасига етаклагани билан машҳур. Ўша плей-офф баҳсларида энг қимматли ўйинчи сифатида "Conn Smythe Trophy" мукофотини қўлга киритиб, ўз даврининг энг кучли дарвозабонларидан бири сифатида тарихга кирди.
Бенедикт Ҳёведес (1988 йил 29 февраль)
Германиялик ҳимоячи 1988 йил 29 февралда дунёга келган. У “Шальке 04” жамоаси сардори сифатида етакчилик қобилияти ва ҳимоядаги ишончли ўйини билан танилган. Ҳёведес 2014 йил Бразилияда ўтказилган жаҳон чемпионатида Германия терма жамоаси сафида ғолиб чиққан таркиб аъзоси бўлган ва турнир давомида жамоа муваффақиятига салмоқли ҳисса қўшган.
29 февраль — кам учрайдиган сана бўлишига қарамай, бу кунда туғилган спортчилар орасида жаҳон миқёсида катта ютуқларга эришган юлдузлар бор. Улар ўз соҳасида юксак натижалар қайд этиб, “кабиса куни”ни янада ўзига хос ва эсда қоларли санага айлантиришган.
Манба: https://www.wionews.com
Киритилди: 07:48, 27.02.2026. Ўқилди: 316 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
