Ўзбекистон аёллар терма жамоаси 2026 йилги Осиё Кубогида учинчи учрашувини ўтказди. Ушбу баҳсдаги йирик ҳисобда қозонилган ғалаба эвазига жамоа ўз тарихида илк бор плей-офф босқичига йўлланмани қўлга киритди. Бунга қадар Ўзбекистон аёллар терма жамоаси мусобақада 5 марта иштирок этиб, ҳар сафар гуруҳ босқичидаёқ ўз иштирокини якунлаган.
“B” гуруҳидан жой олган Котрина Кулбите бошқарувидаги жамоа 3-турда Бангладешга қарши баҳс олиб борди. Учрашув 4:0 ҳисобида Котрина Кулбите бошқарувидаги Ўзбекистон аёллар терма жамоасининг ғалабаси билан якунланди.
Голларга 10-дақиқада Диёрахон Ҳабибуллаева, 62 ва 66-дақиқада Дилдора Нозимова, 88-дақиқада Нилуфар Қудратова муаллифлик қилди.
Гуруҳда, шунингдек, Хитой 2:1 ҳисобида Шимолий Кореяни мағлуб этди ва гуруҳда 1-ўринни эгаллади.
3-тур якунларига кўра, Ўзбекистон 4 та гол уриб, ўз дарвозасидан 6 та гол ўтказиб юборган. “А” гуруҳида 3-ўринни эгаллаган Филиппин футболчилари эса 2 та гол урган ва 4 та ўтказиб юборган.
Мусобақа регламентига кўра, икки жамоа ўртасидаги кўрсаткич солиштирилганда аввал очколар сони, улар тенг келган тақдирда тўплар нисбатига эътибор қаратилади. Бунда урилган голлар устунлик тақдим этади. Шу сабаб Ўзбекистон аёллар терма жамоаси “C” гуруҳида қандай натижа қайд этилишидан қатъи назар 1/4 финал иштирокчисига айланди. Филиппиннинг тақдири эса эртага, 10 март куни ўтказиладиган “C” гуруҳи ўйинларидан сўнг маълум бўлади.
2026 йилги аёллар ўртасидаги Осиё Кубогида иштирок этувчи 12 та терма жамоа 3 та гуруҳга бўлинган ҳолда баҳсларга киришган. Гуруҳларда дастлабки икки ўринни эгаллаган жамоалар ҳамда энг яхши кўрсаткич қайд этган икки нафар учинчи ўрин соҳиби чорак финалга йўл олади.
Маълумот учун, турнир 2027 йилда Бразилияда ўтказиладиган FIFA аёллар ўртасидаги Жаҳон чемпионати учун Осиё минтақасидаги якуний саралаш босқичи вазифасини бажаради. Шу билан бирга, бу Жаҳон чемпионати саралаши Осиё Кубоги билан боғланган сўнгги мусобақа бўлади — 2031 йилдан бошлаб FIFA аёллар ўртасидаги Жаҳон чемпионати учун алоҳида саралаш турнири ўтказилиши режалаштирилган.
Бундан ташқари, тарихда илк бор ушбу мусобақа 2028 йил Лос-Анжелесда бўлиб ўтадиган Ёзги Олимпия ўйинлари учун Осиё саралашининг дастлабки босқичи сифатида ҳам хизмат қилади. Турнирнинг чорак финалига чиққан саккиз жамоа 2028 йилги Олимпия ўйинлари саралаш турнирига йўлланма олади.
Эслатиб ўтамиз, 2029 йилги аёллар ўртасидаги Осиё Кубогига Ўзбекистон мезбонлик қилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Навбаҳор
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
