ОКМК бош мураббийи Миржалол Қосимов Суперлиганинг 9-тури доирасида Самарқандда бўлиб ўтган "Динамо"га қарши ўйин (2:2) борасида ўз фикрини билдириб ўтди.
— Асабий ва жанговор ўйин бўлди. Бизни қизиқарли ўйин кутаётганди. Бир-бирига мос рақиблардан очиқ ва томошабоп ўйин кутгандик ва шундай бўлди ҳам. Учрашув илк дақиқалардан охиригача кескин руҳда ўтди. Ўтган ўйиндагидек, бугун ҳам стандарт вазиятлардан иккита осон гол ўтказиб юбордик. Биринчиси рикошет орқали, иккинчиси эса яхши ижро қилинди. Агар Мустафоев қизил карточка олмаганида, вазият янада қийинлашиши мумкин эди. Йигитлар ўзларига ишонишди. Балки ғалаба қозонишимиз ҳам мумкин эди. Сўнгги дақиқаларда Нодир Абдураззоқовда яхши имконият бўлди — агар ўша вазиятдан фойдаланганида, ғалабани илиб кетишимиз мумкин эди. Бугун мухлислар учун ҳам қизиқарли ўйин бўлди.
— Ўтказиб юборилган голлардан кўра, сўнгги дақиқаларда кўпроқ асабийлашдингиз...
— Жамоа билан ҳар куни яшасангиз, улар билан бирга яшайсиз. Шу боис эҳтимол бу ҳолат четдан бошқачароқ кўрингандир. Йигитлар «Бухоро», «Андижон» каби жамоаларга қарши ёмон ўйнашмади. Бугун ҳам ғалабага лойиқ эдик, аммо нимадир етишмади. Шунинг учун ҳар бир ўйинга алоҳида тайёргарлик кўриш керак. Майдонга тушгандан кейин эса вазиятни ўзгартириш қийин.
— Жамоанинг ўтган мавсумдаги етакчилари сақлаб қолинмади. Янги футболчиларнинг дастлабки ўйинларини қандай баҳолайсиз?
— Бу футболнинг бир қисми. Кимдир келади, кимдир кетади. Янги ўйинчиларга талаб қўйилади, улар вазифани бажариши керак. Энг муҳими — жамоада шижоат ва ҳаракат бор. Бизга вақт керак. Йигитлар ёмон ўйнамаяпти. Хато эса барчада бўлади.
— Бугун жамоа кўплаб қарши ҳужумлар уюштирди, аммо майдонга мослаша олмагандек...
— Ҳар бир ўйинга алоҳида тайёргарлик керак. Бу ўйин энди тарих. Биринчи голдаги рикошет — ноодатий ҳолат. Танаффусда дарвозабон ва ҳимоячилар майдонга мослаша олмаганини айтдим. Бу ишончга ҳам таъсир қилади. Машғулотдан кейин йигитларга бу стадион учун темир тишли бутса кийишни айтгандим. Лекин ҳаммасини бир вақтда ҳал қилиш қийин. Кўп нарса футболчининг иштиёқига ҳам боғлиқ.
— «Динамо» қизил карточкадан кейин қарши ҳужумларга таянди, лекин сизларда ҳам имкониятлар бўлди...
— Амонов тезкор футболчи. Танаффусда рақиб икки ҳужумчи билан ўйнашини, қанотлардан ҳужум қилишини айтгандим. Аҳмадулло Муқимжоновни тушираётганда ҳам тушунтирдим. Аммо унинг фойдали ҳаракатлари кам бўлди. Ҳар бир ўйинга бошқача ёндашиш керак.
— 2:2 ҳисобни қандай баҳолайсиз?
— Ҳар доим ҳам ўйинлар бир хил ўтмайди.
— Бу очко ютилдими ёки йўқотилдими?
— Ютилди. Мустафоев қизил олмаганида, бошқача бўлиши мумкин эди. Кўп куч сарфладик. Олдинда яна ўйин бор, тақвим зич.
— Рақиб ҳақида фикрингиз?
— Яхши жамоа, ижрочилари бор.
— Омад ҳам рол ўйнадими?
— Балки, ҳа. Бир эпизод ҳаммасини ўзгартириши мумкин. Бу футбол — барчаси динамикада, хатолар орқали ҳал бўлади.
— «Динамо»нинг иккинчи голи “Қосимов услубидаги гол” деб баҳоланди. Жаримадан голлар камайиб кетдими?
— Билмадим, урганлар бор.
— Ўтган турда ўғлингиз ҳам гол урди...
— У ҳам рикошет орқали. Ҳозир ҳам чемпионатда шундай голлар кўп. Бизнинг давримиздаги голлар эса тасвирларда сақланиб қолмаган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
