Тошкент шаҳридаги “Humo Arena” мажмуасида бокс бўйича Олимпия ўйинлари чемпионлари ва қатор таниқли боксчилар иштирокида йирик профессионал бокс оқшоми бўлиб ўтмоқда. WBC Eurasia, Ўзбекистон профессионал бокс федерацияси ҳамда “Lift Promotion” промоутерлик компанияси ҳамкорлигида ташкил этилган ушбу мусобақа дастуридан ўрин олган жанглар нафақат рейтинг очколари, балки бир нечта вазн тоифаларида WBC Eurasia чемпионлик камарлари учун ҳам кечди.
Ҳалоков — Кумар
Турнир доирасида Олимпиада чемпиони Абдумалик Ҳалоков ҳиндистонлик Вишал Кумарга қарши рингга кўтарилди. 6 раундга мўлжалланган ушбу жанг муддатидан олдин якунланди. Ҳалоков ўзининг кучли зарбалари эвазига рақибини иккинчи раунддаёқ техник нокаут билан таслим этди. Шу тариқа, у профессионал рингдаги учинчи жангида учинчи ғалабасини қўлга киритди.
Муллажонов — Гарсия
Мусобақанинг яна бир марказий жанги ҳаваскор боксда Олимпия ўйинлари ғолиби Лазизбек Муллажонов ҳамда венесуэлалик Луис Хосе Марин Гарсия ўртасида кечди. Оғир вазн тоифасидаги WBC Eurasia камари учун ўтказилган беллашув учинчи раундда тўхтатилди. Венесуэлалик боксчининг қоидабузарликлари ва ҳакам томонидан берилган огоҳлантиришлари кўпайиб кетгани сабабли рефери жангни якунлашга мажбур бўлди. Натижада Лазизбек Муллажонов муддатидан аввал ғолиб деб топилиб, чемпионлик камарини қўлга киритди.
Исмоилов — Шоти
Ўзбекистонлик 24 ёшли боксчи Нурислом Исмоилов танзаниялик спортчи Лупакисьо Шотига қарши рингга чиқди. Супер ўрта вазн тоифасидаги WBC Eurasia камари учун кечган 10 раундлик баҳснинг сўнгги, ўнинчи раундида Исмоилов устунликка эришиб, рақибини техник нокаутга учратди. Бу Исмоиловнинг профессионал боксда ўтказган 9-жангидаги тўққизинчи ғалабаси бўлди. 26 ёшли Шоти эса фаолиятидаги 11-жангида иккинчи марта мағлубиятга учради. Шу тариқа, Нурислом Исмоилов ўзининг ҳисобидаги WBC CISBB камарига қўшимча равишда WBC Eurasia унвонига ҳам эга чиқди.
Абдуллаев — Акон
Мусобақа доирасида ўзбекистонлик боксчи Шоҳжаҳон Абдуллаев Гана вакили Стефан Аконга қарши рингга кўтарилди. 6 раундга мўлжалланган баҳсда Абдуллаев рақибини тўртинчи раундда нокаутга учратишга муваффақ бўлди. Бу 23 ёшли спортчининг профессионал боксдаги еттинчи жангида қўлга киритган еттинчи ғалабаси ҳисобланади.
Аҳмадалиев — Москеда
Кечанинг марказий жангида иккинчи энг енгил вазн тоифасида собиқ жаҳон чемпиони Муроджон Аҳмадалиев ўзининг навбатдаги ғалабасини тантана қилди. Ушбу баҳсда ўзбекистонлик боксчига Венесуэла вакили Эгли Москеда рақиблик қилди.
Ярим енгил вазн тоифасида ўтган ва 10 раунд этиб белгиланган беллашув узоқ давом этмади. Аҳмадалиев дастлабки дақиқаларданоқ ташаббусни ўз қўлига олди ва 4-раундга келиб рақибини техник нокаут эвазига муддатидан аввал мағлубиятга учратди. Ушбу муваффақиятдан сўнг, Муроджон Аҳмадалиевнинг профессионал рингдаги кўрсаткичи 15 та ғалаба ва 2 та мағлубиятга етди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
