«Реал» ва Франция терма жамоаси ҳужумчиси Килиан Мбаппе фаолиятида илк бор «Олтин тўп»ни қўлга киритиш учун асосий фаворит бўлиб турибди. Бу ҳақда L’Équipe нашри хабар берди.
Француз нашрининг таъкидлашича, Испаниянинг 2026 йилги жаҳон чемпионатидаги ғалабаси «Қизил фурия»нинг бир нечта футболчисини асосий даъвогарлар қаторига олиб чиқди. Бироқ испаниялик номзодлар кўплиги овозларни бўлиб юбориши мумкин ва бу ҳолат Мбаппенинг фойдасига ишлаши эҳтимолдан холи эмас.
Нашр фикрича, франциялик ҳужумчининг асосий устунлиги унинг юқори самарадорлиги ҳисобланади. Гарчи ўтган мавсумда у жамоавий совринларни қўлга кирита олмаган бўлса-да, Испания чемпионатида 25 та гол билан, Чемпионлар лигасида эса 15 та гол билан энг яхши тўпурар бўлди. Жаҳон чемпионатида ҳам 10 та гол уриб, турнирнинг энг яхши тўпурарига айланди.
Шунингдек, Мбаппе жаҳон чемпионатларидаги голлари сонини 22 тага етказиб, мундиал тарихидаги энг яхши тўпурарга айланди. 2026 йилда у Оливье Жирунинг рекордини ҳам янгилаб, Франция терма жамоаси тарихидаги энг яхши тўпурарга айланди. Унинг миллий жамоа сафидаги голлари сони 66 тага етди.
L’Équipe талқинига кўра, Мбаппенинг асосий рақобатчилари — жаҳон чемпионлари Родри, Ламин Ямал ва Фабиан Руис. Родри ЖЧ-2026нинг энг яхши футболчиси деб топилди, Ламин Ямал жаҳон чемпионлиги ва Ла Лига ғолиблигини қўлга киритди, Фабиан Руис эса Испания билан жаҳон чемпионлигини ва «Пари Сен-Жермен» билан Чемпионлар лигасини ютиб, «дубль» қайд этди.
Нашр шунингдек, испаниялик номзодлар кўплиги уларнинг ҳар бирига етарлича овоз тўплашга тўсқинлик қилиши мумкинлигини таъкидлаган. Худди шундай вазият «ПСЖ» футболчилари — Фабиан Руис, Усмон Дембеле ва Хвича Кварацхелия ўртасида ҳам кузатилиши мумкин.
L’Équipe ўтказган ва 35 мингдан ортиқ киши иштирок этган сўровнома натижаларига кўра:
-
Килиан Мбаппе — 32%
-
Родри — 16%
-
Фабиан Руис — 12,7%
-
Хвича Кварацхелия — 9,8%
-
Усмон Дембеле — 7,9%
-
Ламин Ямал — 7%
-
Лионель Месси — 3,25%
Нашрнинг қайд этишича, Аргентина билан жаҳон чемпионати финалигача етиб борган 39 ёшли Лионель Мессининг «Интер Майами»да тўп сураётгани унинг тўққизинчи «Олтин тўп» учун курашдаги имкониятларига салбий таъсир кўрсатиши мумкин.
Эслатиб ўтамиз, «Олтин тўп»-2026 учун 30 нафар номзоддан иборат рўйхат сентябрь ойи бошида эълон қилиниши режалаштирилган. Тақдирлаш маросими эса 26 октябрь куни Лондонда бўлиб ўтади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
