Ўзбекистон Тасвирий санъат галереясида Халқаро шахмат федерацияси, мамлакатимиз шахмат федерацияси ҳамда “Ўзбекистон маданияти ва санъати форуми” жамғармаси ҳамкорлигида ташкил этилган хотин-қизлар ўртасидаги ФИДЕ Гран-присининг учинчи босқич баҳслари ниҳоясига етди.
Хотин-қизлар ўртасидаги олти халқаро турнирдан иборат ФИДЕ Гран-приси жаҳон шахмат тожи учун курашиш имконини берадиган мусобақадир. 2013-2014 йилларда ўтказиладиган ушбу турнирда умумий ҳисобда 18 нафар шахматчи иштирок этади. Ҳар бир босқичда 12 нафардан шахматчи ўйнайди. Шу тариқа уларнинг ҳар бири Гран-при сериясидаги тўрттадан турнирда қатнашади. Якунда энг кўп балл жамғарган шахмат устаси 2015 йилда амалдаги жаҳон чемпиони билан шахмат тожи учун ўн партиядан иборат учрашув ўтказиш имконига эга бўлади.
Гран-при босқичларига Женева, Дилижан, Тошкент, Ханти-Мансийск, Тбилиси ва Эрденет шаҳарлари мезбонлик қилади.
Пойтахтимизда ўтган нуфузли турнирда ўн икки нафар кучли шахматчи – Осиё чемпионати ва Осиё ўйинлари кумуш медали совриндори, халқаро гроссмейстер Нафиса Мўминова, жаҳон шахмат олимпиадаси, жаҳон ва Европа чемпионати совриндори грузиялик Бела Хотенашвили, қизлар ўртасида кўп карра жаҳон чемпиони ҳиндистонлик Хампи Конеру, Осиё чемпионати кумуш медали совриндори ва Хитой чемпиони Цзю Веньцзюнь, жамоавий жаҳон чемпионати, Европа чемпионати ғолибаси, тезкор шахмат – блиц бўйича жаҳон чемпиони украиналик Катерина Лагно, жаҳон ва Европа чемпиони болгариялик Антоанета Стефанова, 20 ёшгача қизлар ўртасида жаҳон чемпиони ҳиндистонлик Харика Дроновалли, жаҳон ва Европа чемпиони, жаҳон шахмат олимпиадаси икки карра ғолибаси россиялик Александра Костенюк, Европа чемпионати совриндори ва олти карра Арманистон чемпиони Элина Даниэлян, 18 ёшгача бўлган қизлар ўртасида жаҳон ва Европа чемпиони россиялик Ольга Гиря, 20 ёшгача бўлган қизлар ўртасида жаҳон чемпиони хитойлик Чжао Сюэ, халқаро турнирлар ғолибаси қозоғистонлик Гулисхон Накбоева иштирок этди.
Мусобақа қоидасига кўра, ФИДЕ Гран-приси босқичида шахматчилар бир даврали тизимда жами 11 партия ўйин ўтказди. Нафиса Мўминова қозоғистонлик Гулисхон Накбоева ва хитойлик Цзю Веньцзюнни мағлубиятга учратди. Арманистонлик Элина Даниэлян ва украиналик Катерина Лагно билан дуранг ўйнади.
Ўзбекистон Тасвирий санъат галереясида ўтган тақдирлаш маросимида 8 очко билан биринчи ўринни эгаллаган Хампи Конеруга олтин медаль топширилди. Кумуш медаль Бела Хотенашвили, бронза медаль Катерина Лагнога насиб этди.
ФИДЕ Гран-присининг тўртинчи босқичи 2014 йилнинг 2-16 май кунлари Россиянинг Ханти-Мансийск шаҳрида бўлиб ўтади.
Маросимда Ўзбекистон Республикаси Бош вазирининг ўринбосари А.Икромов иштирок этди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
