У ўзи асос солган дастур асосида футбол оламининг молиявий фаолиятига оид ҳужжатларни оммага тақдим этган.
“Манчестер Сити” билан боғлиқ молиявий можаронинг юзага чиқишида португалиялик хакер Руи Пинто муҳим рол ўйнаган. У 2015-йилда Football Leaks платформасига асос солиб, футбол клублари ва бошқа ташкилотларнинг махфий ҳужжатларини эълон қилган.
Руи Пинтонинг тўлиқ исми Руи Педро Гонсалвес Пинто. У Football Leaks орқали футбол оламининг молиявий фаолиятига оид ҳужжатларни оммага тақдим этган. Пинто ўз фаолиятидан кўзланган мақсад футбол саноатидаги молиявий қоидабузарликларни фош этиш эканини билдирган.
Пинто турли клублар, футбол агентликлари ва спорт ташкилотларининг электрон хатлари, шартномалари ҳамда трансфер ҳужжатларини қўлга киритган. 2018-йилда Германиянинг Der Spiegel журнали Football Leaks орқали олинган “Манчестер Сити”га оид ҳужжатларни эълон қилди. Уларда клуб УЭФАнинг молиявий фейр-плей қоидаларини четлаб ўтишга урингани ҳақидаги маълумотлар бор эди.
Ҳужжатларда “Манчестер Сити” ҳомийлик шартномаларининг қийматини ошириб кўрсатгани ва футболчиларга амалга оширилган айрим тўловларни яширгани ҳақидаги маълумотлар келтирилган. Кейинчалик Премьер Лига клуб фаолияти юзасидан тергов бошлади. Тергов якунида “Манчестер Сити”га 115 та қоидабузарлик бўйича айблов қўйилди. Клуб ушбу айбловларнинг 114 таси бўйича айбдор деб топилган.
Пинто 2013 йилда Кайман оролларида жойлашган Cаледониан Банкдан 300 минг евро ўғирлаганликда айбланган. У бу айбловни рад этиб, фақат Кайман оролларидан солиқдан бўйин товлаш ва пул ювиш учун қандай фойдаланилишини кўрсатганини билдирган. Кейинчалик томонлар суддан ташқари келишувга эришган.
2019 йил январида Пинто Португалия расмийларининг талаби билан Будапештда қўлга олинган. У товламачиликка уриниш, касбий сирни бузиш ва ахборотга ноқонуний киришда айбланган.
2023 йилда Пинто “Бенфика” клубининг электрон хатларига ноқонуний кириш билан боғлиқ янги иш доирасида 377 та жиноятда айбланди. Ўша йил сентабр ойида у тўрт йил муддатга шартли қамоқ жазосига ҳукм қилинди.
Руи Пинто ва у асос солган Football Leaks платформаси футбол оламидаги махфий ҳужжатларнинг оммага чиқишида муҳим рол ўйнади. “Манчестер Сити” билан боғлиқ ҳужжатлар эса кейинчалик Премьер Лига томонидан олиб борилган кенг кўламли терговга асос бўлган маълумотлар қаторидан жой олди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
