"Насаф" жамоаси 24-турда Бухоро шаҳрининг "Бухоро" жамоаси меҳмони бўлишади. Ён қўшнилар ўртасидаги учрашувлар доимо муросасиз ва қизиқарли кечган. Навбатдаги учрашув ҳам шубҳасиз ана шундай ўтиши кутилмоқда.
“Насаф“ ва “Бухоро“ шу кунга қадар ўзаро 31 маротаба куч синашишган. Натижалар бўйича кичик устунлик “Насаф” томонида. Қаршиликлар бўлиб ўтган 31 баҳснинг 14 та ўйинида ғалаба қозонишган. Саккиз учрашувда томонлар муроса кўчасини танлашган ва 9 та ўйинда “Бухоро”нинг қўли баланд келган. Тўплар нисбати ҳам “аждарлар” фойдасига 50-36. Ўзаро ўйинларда “Насаф” 50 очони қўлга киритган бўлса, “Бухоро” 35 очколик бўлган. “Насаф”нинг “Бухоро” устидан қозонган энг йирик ғалабаси – 6:0. “Бухоро”нинг “Насаф” устидан қозонган энг йирик ғалабаси эса – 5:1 ни ташкил этади.
Жорий мавсумниниг биринчи даврасидаги учрашувда "аждарлар" "Бухоро"ни 3:1 ҳисобида мағлуб этган. Ушбу учрашув, шунингдек, "Насаф"нинг жорий мавсумдаги биринчи ғалабаси сифатида ҳам қайд этилган.
16.03.2012. ЎзПФЛ, 3-тур. Қарши шаҳри. Марказий стадион.
“Насаф” - “Бухоро” 3:1 (2:0)
Голлар: Алишер Юсупов 14-1:0, Илҳом Шомуродов 19-2:0, Воҳид Шодиев 69-2:1, Алишер Юсупов 90+1.
"Насаф": 25. Элдорбек Суюнов, 4. Мақсуд Каримов, 5. Ботир Қораев, 9. Илҳом Шомуродов, 15. Зоҳид Абдуллаев (Суҳроб Неъматов 62), 16. Алишер Юсупов, 17. Артур Геворкян (с), 20. Эркин Бойдуллаев, 22. Шоҳруҳ Гадоев, 27. Илҳом Юнусов, 33. Одил Ҳамробеков.
"Бухоро": 20. Сардор Қобулжонов, 2. Илоя Шибамура, 4. Дэвид Ония, 5. Гиорги Квесишвили, 7. Алексей Николаев, 8. Алишер Маҳмудов, 10. Алишер Саноев (Воҳид Шодиев 46), 11. Отабек Валижонов (Жамшид Ҳасанов 63, Алишер Азизов 73), 17. Отабек Нарзуллаев, 21. Баҳриддин Ваҳобов, 24. Асқар Муҳиддинов.
Ҳакамлар: Валентин Коваленко, Рафаэль Илясов, Маъмур Саидқосимов, Азамжон Чориев.
Назоратчи: И.Мустафин.
Огоҳлантиришлар: Алексей Николаев 21, Илҳом Юнусов 24,Алишер Маҳмудов 75,Алишер Юсупов 90+1
Четлатиш: Cардор Қобулжонов 83.
Ўринбосарлар ўртасидаги биринчи давранинг Қаршида бўлиб ўтган 3-тур учрашувида ҳам “Насаф” ўринбосарлари йирик 5:0 ҳисобида ғалаба қозонишган.
Мавсум тугалланишига бор йўғи 3та тур ўйинлари қолди. Навбатдаги тур нафақат “Насаф” жамоасига балки бош соврин учун кураш олиб бораётган бошқа жамоаларнинг ҳам мавқиега катта аниқлик киритиши кутилмоқда. Турнир жадвалида биринчи ва иккинчи ўринларни банд этиб турган “Бунёдкор” ва “Локомотив” жамоаларининг рақиблари бу сафар Олий лигада “жон сақлаш” учунгина кураш олиб бораётган жамоалар бўлса, “Насаф”нинг рақиби “Бухоро” 32 очко тўплаб, 6-ўринни банд этиб турибди. Ўтган турни сафарда ўтказган “Бухоро” жамоаси яна бир қушнилари бўлмиш “Қизилқум”дан мағлуб бўлишган. Бу асло “Бухоро”ни “бўш”лигини англатмайди, зеро ён қушниларимиз ўз мухлислари олдида ҳар қандай жамоага муносиб қаршилик кўрсатиш қобилиятига эгалар.
Навбатдаги учрашув.
29.10.2013 й. ЎзПФЛ, 24-тур. Бухоро шаҳри, “Бухоро” спорт мажмуаси. 16:00.
«Бухоро» (Бухоро) – «Насаф» (Қарши)
Ҳакамлар: Равшан Эрматов (Тошкент), Абдуҳамид Расулов (Тошкент), Ж.Саидов (Тошкент), Виктор Серазетдинов (Тошкент)
Назоратчи: Р.Мўминов (Тошкент).
Умид қиламизки, “Насаф” ўйинчилари бу сафар ҳам бор маҳорат ва кучларини намойиш қилишиб, ижобий натижани қайд этишади. Уларга навбатдаги учрашувда катта зафарлар тилаб қоламиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
