28 октябрь, душанба куни Дилшод Нуралиев бош мураббийлигидаги Ўзбекистон U-17 ўсмирлар терма жамоаси Гондурасга қарши учрашув билан ўсмирлар ўртасидаги Жаҳон чемпионати нимчорак финалидаги юришини бошлайди.
24 октябрь, пайшанба куни Дилошод Нуралиев бош мураббийлигидаги Ўзбекистон U-17 ўсмирлар терма жамоаси БААда давом этаётган ўсмирлар ўртасидаги Жаҳон чемпионати «С» гуруҳи 3-тур учрашувида Хорватия ўсмирлар терма жамоасига қарши майдонга тушди. Қизиқарли кечган учрашувда 2:1 ҳисобида ғалаба қозонган Ўзбекистон ўсмирлар терма жамоаси ўз тарихида иккинчи бор ўсмирлар ўртасидаги жаҳон чемпионати нимчорак финалига йўлланма олди.
Маълумот ўрнида, Ўзбекистон ўсмирлар терма жамоаси бунгача, гуруҳ баҳсларининг 1-турида Панамани 2:0 ҳисобида мағлуб этган бўлса, 2-турда Марокаш билан дуранг ўйнаган эди - 0:0.
28 октябрь, куни Шаржа шаҳрида бўлиб ўтадиган нимчорак финал учрашувни чехиялик Павел Краловец бошчилигидаги ҳакамлар бригадаси бошқариб боради. Учрашувда Ўзбекистон ўсмирлар терма жамоаси кўк рангли либосларда ҳаракат қилса, Гондурас ўсмирлари оқ рангли либосларда майдонга тушади.
Гондурасга қарши нимчорак финал ўйини олдидан Ўзбекистон ўсмирлар терма жамоаси таркибида бир йўқотиш мавжуд. Ўзбекистон ўсмирлар терма жамоаси ярим ҳимоячиси Жамшид болтабоев мусобақанинг илк турида Панамага қарши, ҳамда 3-турда Хорватияга қарши ўйинларда сариқ карточка олгани туфайли Гондурасга қарши ўйинни ўтказиб юборади. Нимчорак финалдаги рақиб - Гондурас таркибида эса дисквалификацияга учраган футболчилар йўқ.
Нимчорак финали ўйинидан олдин ўтказилган матбуот анжуманида иштирок этган Ўзбекистон ўсмирлар терма жамоаси бош мураббийи Дилшод Нуралиев Гондурас терма жамоасини жисмоний жиҳатдан кучли терма жамоа дея таърифлаган бўлса, Гондурас терма жамоаси бош мураббийи Хосе Валладарес бўлажак учрашувда Ўзбекистонни фаворит деб атади.
Учрашувни дисквалификация сабаб ўтказиб юборадиган Жамшид Болтабоев эса, ўйин арафасида ФИФА расмий сайтига берган интервьюсида ўзбекистонлик футболчилар Гондурас ўсмирларига қарши ўйинда фақат ғалаба учун майдонга тушишига ишонишини таъкидлади.
Эслатиб ўтамиз, ўсмирлар ўртасидаги Жаҳон чемпионати нимчорак финалидан ўрин олган Ўзбекистон - Гондурас учрашуви 28 октябрь, душанба куни Шаржа шаҳридаги стадионда бўлиб ўтади. Ўйин Тошкент вақти билан 21:00да бошланади.
U-17 ЎСМИРЛАР ЎРТАСИДА ЖЧ. НИМЧОРАК ФИНАЛ
28 ОКТЯБРЬ. «ШАРЖА» СТАДИОНИ. (21:00)
ЎЗБЕКИСТОН (U-17) - ГОНДУРАС (U-17)
Бош ҳакам: Павел Краловец (Чехия)
Лайнсменлар: Мартин Вилчек (Чехия), Роман Слиско (Словакия)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
