Саралаш мусобақасининг энг сўнгги баҳси олдидан битта масалага ойдинлик киритилиши қолганди — Осиё чемпионатига қайси жамоа чиқолмайди: Қирғизистон ёки Турманистон? Бунинг учун қирғизлар майдон эгаларидан 6та ва ундан юқори фарқ билан ютқазишмаса бўлгани! Агар ушбу ўйинда Ўзбекистон 7:1 ҳисобида ғалаба қозонса, Қирғизистон ва Туркманистоннинг барча натижалари мутлақ бир хил кўринишга келарди ва бундай ҳолатда карточкалар ҳисоб-китоб қилинарди.
Мазкур баҳсни Туркманистон терма жамоаси аъзолари “Ўзбекистон” спорт комплексида ўтириб томоша қилишди. Табиийки, Аҳмедов шогирдларининг ҳар бир голи ўзбекистонлик мухлислар сингари уларни ҳам хурсанд қилиб турди.
Биринчи бўлимда терма жамоамиз Қирғизистон дарвозасини 4 марта ишғол қилишди. Бунда биринчи тўртлиқ аъзолари жонбозлик кўрсатишди. Ирсалиев ва Юнусов ҳисобига 2тадан гол ёзилди. Ҳисоб эса биринчи 20 дақиқаликдан бундан-да йирикроқ кўриниш ҳосил қилиши мумкин эди. Йигитларимиз қитъа чемпионати йўлланмасини, боз устига, саралашда 1-ўрин билан ҳал қилиб бўлган бўлишса-да, сўнгги баҳсни ҳам катта иштиёқ билан ўтказишди. Ушбу ўйин улар ижросида энг яхши баҳс бўлиб деб атасак хато бўлмайди.
Ўйиннинг 27-дақиқасида Шаҳзод Бўриев ҳисобни 5:0га етказди. Яна битта гол Қирғизистонни мусобақадан чиқариб юборарди. Бироқ ўйин тугашига 3 дақиқа қолганида майдон марказида тўпни йўқотишимиздан фойдаланган Қирғизистон терма жамоаси аъзоси Чутбаев битта гол уришга муваффақ бўлди. Туркманистонлик футболчилар эса секин спорт комплексидан чиқиб кетишди...
Ҳақиқатда қолган дақиқаларда ҳисоб ўзгармади ва Қирғизистон ўта қийинчилик билан қитъа чемпионатига йўл олишди.
Футзал. Осиё чемпионатига саралаш
ЎЗБЕКИСТОН – ҚИРҒИЗИСТОН – 5:1 (4:0)
Голлар: Дилшод Ирсалиев (7, 11), Артур Юнусов (8, 17), Шаҳзод Бўриев (27) — Ильяс Чутбаев (37)
Ўзбекистон. Бошланғич таркиб: 1. Рустам Умаров, 2. Дилшод Ирсалиев, 3. Нодир Элибоев, 10. Жамолиддин Шарипов, 11. Артур Юнусов
Захира: 5. Мақсуд Файзуллаев, 6. Шаҳзод Бўриев, 7. Андрей Шлёма, 8. Фарҳод Абдумавлонов, 9. Дилшод Раҳматов, 12. Клим Тюгаев, 13. Даврон Чориев, 15. Жавлон Аноров, 16. Аъзам Саидаҳматов
Қирғизистон. Бошланғич таркиб: 2. Николай Шамонин, 3. Мирланбек Абдикадиров, 6. Дилшат Кадиров, 10. Рустам Ермеков, 12. Михаил Сундеев
Захира: 1. Юрий Риженко, 4. Азред, 5. Ильяс Чўтбаев, 8. Сатибалди Жунашалиев, 9. Максадбек Алимов, 15. Нуржан Жетибаев, 16. Аман Асилбеков
Ҳакамлар: Ҳасан Муҳаммад Муса ал-Гбурий (Ироқ), Ҳусайн Муҳмуд Ҳусайн Халайлоҳ (Иордания), Али Ризо Суҳробий Балсиний (Эрон), Абдулраҳмон Абдулқодир (Баҳрайн)
2012 йил 7 ноябрь. Тошкент. “Ўзбекистон”.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
