Ўзбекистон Конституцияси қабул қилинганининг 21 йиллиги арафасида, 4 декабрь куни Тошкентдаги «Туркистон» санъат саройида мамлакатнинг бир гуруҳ иқтидорли ёшларини тақдирлаш маросими бўлиб ўтди.
«Камолот» ЁИҲ тавсиясига асосан, Ўзбекистон Президентининг 2013 йил 3 декабрдаги «Юқори натижаларга эришган бир гуруҳ иқтидорли ёшларни мукофотлаш тўғрисида»ги Фармонига мувофиқ, мамлакат ижтимоий-сиёсий ҳаётида ўзининг улкан ютуқлари билан намуна бўлиб келаётган, илм-фан, маданият, таълим, соғликни сақлаш, санъат, ОАВ, спорт, қишлоқ хўжалиги, кичик бизнес, ҳарбий ва ҳуқуқ соҳаларида таҳсил олаётган, фаолият кўрсатаётган ҳамда илмий-ижодий фаолият билан шуғуланиб, юксак натижаларга эришаётган бир қатор иқтидорли ёшларни юксак мукофотлар билан тақдирланди.
Хусусан, Ўзбекистон Президенти Фармонига асосан, Тошкентнинг «Пахтакор» футбол клуби ярим ҳимоячиси, Ўзбекистон миллий терма жамоасига номзод футболчи Аббосбек Махсталиев «Ўзбекистон ифтихори» фахрий унвони билан тақдирланган эди.
«Ҳар гал жаҳоннинг энг катта стадионларидаги ўйинлардан кейин жамоадошларимиз билан бизда ҳам шундай замонавий стадионлар бўлишини орзу қилган вақтларимиз кўп бўлган. Мана, Президентимизнинг ғамхўрлиги боис бу орзуимиз ҳам амалга ошди. Улар ташаббуси билан қурилган «Бунёдкор» стадиони бугун кўплаб хорижлик футболчиларнинг ҳам ҳавасини келтиряпти. Давлат мукофоти совриндорлари қаторида айтмоқчиманки, Юртбошимиз ишончига муносиб жавоб қайтариш навбати энди бизники, биз уларнинг ишончини оқлаб, яқин йилларда жаҳон чемпиони бўлиш учун бор кучимизни ишга соламиз», - дея Махсталиев сўзларидан иқтибос келтиради «Камолот» ЁИҲ матбуот хизмати.
Айни вақтда, 4 декабрь куни «Туркистон» саройида бўлиб ўтган танталари маросимда, Тошкентнинг «Пахтакор» футбол клуби ва Ўзбекистон миллий терма жамоаси ҳужумчиси Игорь Сергеевга «Ўзбекистон белгиси» кўкрак нишони топширилди.
«Бу қадар юксак мукофот эгасига айланиб, ўзимда чексиз фахр ҳиссини туймоқдаман. Терма жамоамизнинг сўнгги йилларда қўлга киритган барча ютуқларини санамоқчи эмасман, бу ҳақда ҳамма билади. Айтмоқчи бўлганим, терма жамоамиз сафидаги ҳар бир футболчи халқаро мусобақалар ва чемпионатларда иштирок этаркан, биринчи галда Ватан шаъни ва шарафини ўйлайди. Бизнинг катта ғалабаларимиз ҳали олдинда. Ушбу эзгу мақсадларга эришиш учун қўлимдан келган ҳаммасини қиламан», - деди Игорь Сергеев.
Ўзбекистон Республикаси Президентининг Фармони билан таъсис этилган «Ўзбекистон белгиси» кўкрак нишони 2003 йилдан буён «Камолот» ёшлар ижтимоий ҳаракати томонидан етук, интеллектуал ривожланган ҳамда ватанпарвар ёшларга топшириб келинади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
