Арсен Венгер: «Пенальти — ҳакамнинг «Сток» учун ажойиб совғаси»
"Арсенал" бош мураббийи Арсен Венгер "Сток Сити"га қарши ўйинда ўз жамоасининг ўйинидан ҳам, ҳакамнинг ҳаракатларидан ҳам қониқиш ҳосил қилмаганини таъкидлади.
Ўйиндаги ягона гол учрашув тугашига 15 дақиқа қолганида Лоран Косьелни тўпни қўли билан ўйнагани учун белгиланган пенальтидан киритилди. Франциялик мутахассиснинг фикрича, унинг ватандоши бу вазиятда тўпни атайлаб қўли билан ўйнамаган.
"Бу "Сток Сити" учун ҳакам томонидан ажойиб совға бўлди. Косьелни рақиб билан бир ярд масофада турганди. Бундай масофадан у қандай қилиб қўлини олиб қолишга улгурарди? Бунинг имкони йўқ эди. Бундай ўйиндаги мағлубият — фожиали воқеа ва ортга қадам.
Биз ўзимиз истаган ўйинни намойиш қила олмадик. Чемпионатда ғалаба қозониш учун яхши ўйин намойиш қилишингиз шарт. Ҳимояда ёмон ўйнамадик. Менимча, шунчаки омадимиз келмади. Ҳужумда эса етарли вазиятларни содир эта олмадик. Биз ўз имкониятларимиздан паст ўйнадик. Чемпионлик учун имкониятларимизни ерга уриб юбормайман. Кейинги ўйинда яхши ўйнашимиз керак", дейди Венгер.
28-турдан кейин "Арсенал" 3-ўринга тушди ва "Челси" билан орадаги фарқ 4 очкога етди.
Манба: www.eurosport.ru
Киритилди: 00:52, 02.03.2014. Ўқилди: 2887 марта. Фикрлар: 8 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар