Кеча «Олтин бутса»га номзод бўлган футболчилар ҳақидаги мақолани ҳукмингизга ҳавола қилган эдик. Бугун эса кучли бешлик чемпионатларидаги энг яхши асиссент футболчилар ҳақида сўз юритамиз.
1. Францеск Фабрегас «Барселона» (Испания) 26 ўйин – 12 пас
Фабрегас ҳар йили энг яхши асиссент футболчилар рўйхатидан жой олиб келади. Мазкур мавсум эса у Европа бўйлаб пешқадамлик қилмоқда. Цескнинг 12 та аниқ узатмасидан сўнг жамоадошлари «Барселона» рақиблари дарвозаларини «нишон»га олишга муваффақ бўлишган. Фабрегас энг яхши ассисент бўлиш учун энг асосий даъвогарлардан бири.
2. Златан Ибрагимович «ПСЖ» (Франция). 28 ўйин – 12 пас
Златан тўп киритишда ҳам голларга ҳаммуаллифлик қилишда ҳам Франция чемпионатида пешқадамлик қилмоқда. Ибра 25 та голи билан бирга 12 та киритилган тўпларга асиссентлик вазифасини ҳам бажарган. «Ибракадабра» ушбу мавсум ҳам Франция чемпионатида энг яхши футболчи бўлишига ҳеч кимда шубҳа қолмаган бўлса керак. Швед футболчиси Фабрегасдан 2 та кўп ўйин ўтказганлиги учунгина жадвалнинг 2-поғонасидан жой олди.
3. Гарет Бейл «Реал Мадрид» (Испания). 20 ўйин – 11 пас
100 миллионлик футболчи «Реал»га тезда мослашиб кета олди. Гарет чемпионатда жамоадошларининг 11 та гол киритишларида ўзининг аниқ тўп узатмаси билан ёрдам берди. таъкидлаш жоизки, унинг голли пасларини асосан Роналдо маромига етказиб ижро этган. Уелслик футболчи ўртача ҳар икки ўйинда битта гол урилган тўпларга ҳаммуаллифлик қилмоқда.
4. Коке «Атлетико» (Испания) 27 ўйин – 11 пас
Рейтингнинг 4-поғонасидан ҳам Испания чемпионати вакили жой олди. «Атлетико»нинг «Реал» ва «Барса»га муносиб қаршилик кўрсатишида ўзининг улкан ҳиссасини қўшаётган Коке чемпионат доирасида 27 та учрашувда иштирок этиб, 11 та голга ҳаммуаллифлик вазифасини бажарган. Коке бундай ажойиб ўйинларидан сўнг «Атлетико»дан нуфузлироқ жамоаларга йўл олса ажаб эмас.
5. Луис Суарес «Ливерпул» (Англия). 24 ўйин – 10 пас
Тиниб тинчимас уругвайлик ҳужумчи Ибрагимович сингари чемпионатда тўпурарлар пойгасида ҳам, асиссентлар рўйхатида ҳам якка пешқадамлик қилиб келмоқда. Суарес 24 ўйинда 10 та голга ҳаммуаллифлик қилди. Бундай натижадан сўнг, Луисга ҳар қанча хавас қилса арзийди.
6. Иван Ракитич «Севиля» (Испания) 26 ўйин – 10 пас
Иван Испанияда энг кучли ассисентлар фақат пешқадамлардан чиқмаслигини исботлаб қўйди. «Севиля» ярим ҳимоячиси чемпионат давомида жамоадошларининг 10 та голида ўзининг аниқ тўп узатиши билан иштирок этди. Бундай натижалардан сўнг Ракитич ҳам топ жамоалар оромини ўғирлаган бўлса не ажаб.
7. Хамес Родригес «Монако» (Франция). 27 ўйин – 10 пас
Айни пайтга келиб, Францияда «ПСЖ»га фақатгина «Монако» жамоаси ва футболчилари рақобат туғдиришлари мумкин холос. Енг яхши ассисент бўлишда Ибрагимовичнинг асосий рақиби бу Колумбиялик Хамес Родригес ҳисобланади. У 27 та учрашувда иштирок этиб 10 та голга ҳаммуаллифлик қилган.
8. Лионел Месси «Барселона» (Испания). 21 ўйин – 9 пас
«Барселона»нинг асосий «қуроли» Лионел Месси жароҳати боис 2 ой футбол ўйнамаган бўлсада, гол уришда ҳам, голларга пас беришда ҳам яна етакчилар сафига қўшилиб олди. Унинг 9 та аниқ тўп оширишидан сўнг «Барселона» футболчилари гол киритишга муваффақ бўлдилар.
9. Уэйн Руни «Манчестер Юнайтед» (Англия). 24 ўйин – 9 пас
Омадсизлик ботқоғига тушиб қолган «Манчестер Юнайтед»да Уейн Руни бошқаларга қараганда анча барқарор тўп сурмоқда. «Шрек» чемпионатда 24 та учрашувда иштирок этиб, 9 та голга асиссентлик қилди. Бу Англия Премер-лигасидаги 2-енг яхши натижа ҳисобланади.
10. Стивен Жерард «Ливерпул» (Англия). 25 ўйин – 9 пас
СтивЖи ушбу мавсумни кўтаринки руҳда ўтказмоқда. Жерард 10 та тўп киритиб, 9 та голга ҳаммуаллифлик қилгани сўзимизга исбот бўла олади. Шунингдек у чемпионатда 9 та пеналти тепиб, уларнинг 8 тасини голга айлантира олганлиги ҳам таҳсинга сазовор натижадир. Стивен ва унинг жамоадошлари ниҳоят узоқ йиллар давомида кутилган чемпионликни қўлга киритишлари учун ажойиб имкониятга эгалар. Кўрамиз С-С-С-С (Суарес, Старридж, Стерлинг, Стивен) тўртлиги «Ливерпул» мухлисларининг орзуларини рўёбга чиқара олишармикан.
Бонус:
Карлос Вела «Реал Соседад» (Испания) 27 ўйин – 9 пас
Лукас Моура «ПСЖ» (Франция) 27 ўйин – 9 пас
Лео, Уейн ва Стив сингари 9 тадан голга асиссент вазифасини бажариб берган яна икки футболчи бор. Булар «Реал Соседад»дан Карлос Вела, «ПСЖ»дан Лукас Моура. Улар 27 тадан учрашувда майдонга тушиб, 9 тадан голларга ҳаммуаллифлик қилишган. Вела асиссентлик қилишда Испанияда 6-ўринни, Моура эса Францияда 3-ўринни банд қилиб келишмоқда.
Енг яхши асиссент бўлиш учун юқоридаги футболчиларнинг ҳар бирида имконият бор. Боиси, орадаги фарқлар унчалик ҳам катта эмас. Бироқ, барибир асосий рақобат Фабрегас, Ибрагимович ва Бейллар ўртасида кечса ажаб эмас. Шундай бўлсада Суарес ва Мессиларни ҳам эсдан чиқариш яхши эмас. Хўш, сизнингча кучли бешликдаги энг яхши асиссент ким бўлади?
Юсупов Фурқат
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
