Олдинроқ энг яхши тўпурарлар ва энг яхши ассистент футболчилар ҳақидаги мақолани сизга ҳавола қилган эдик. Енди навбат кучли бешликдаги энг қўпол футболчилар Топ-10 лигига.
1.Даниеле Конти «Каляри» (Италия) 12 сариқ + 1 иккинчи сариқ + 1 қизил
Рейтингни «Каляри» футболчиси Даниеле Конти бошқариб турибди. У ҳакамлар томонидан 12 бора сариқ карточка билан «сийланган». 1 та учрашувда эса сариқлари сони 2 тага етиб майдонни эрта тарк этишига тўғри келган бўлса, яна 1 ўйинда тўғридан-тўғри қизил карточка олиб майдондан четлатилган.
2. Бастиян Цесар «Кеьво» (Италия) 14 сариқ + 1 иккинчи сариқ
Италияда ҳимоячилар анча қўпол ўйнаши ҳеч кимга сир эмас. Кучли бешликдаги 2-рақамли қўпол ҳимоячи ҳам айнан мана шу чемпионатдан. «Кеьво» вакили Бастиян Цесар майдонда ўта қўпол ҳаракат қилади. Цесар 14 ўйинда сариқ карточка олган бўлса, яна 1 баҳсда 2-сариқ карточкани олиб, майдон билан эрта хайрлашишга мажбур бўлади.
3. Виктор Санчес «Эспаньол» (Испания) 11 сариқ + 2 иккинчи сариқ
Испания чемпионатининг энг қўпол футболчиси «Эспаньол» вакили Санчесдир. Виктор 11 сариқ карточка олиш билан биргаликда, 2 марта иккинчи сариқ карточкани олиб майдондан четлатилган.
4. Алберто Ботия «Эльче» (Испания) 15 сариқ
«Эльче» ҳимоячиси қизил карточкалардан йироқ. Бироқ, у кучли бешликдаги энг кўп сариқ қарточка билан «сийланган» футболчи саналади. Ботия 15 учрашувда ҳакамларнинг сариқ карточкаларини олишга муваффақ бўлган.
5. Урош Спаич «Тулуза» (Франция) 8 сариқ + 2 қизил
Франция чемпионатининг қўпол футболчилари рўйҳатини «Тулуза» аъзоси Спаич бошқариб келмоқда. Урош ҳакамлар томонидан 8 та учрашувда огоҳлантирилган, яна 2 тасида эса тўғридан-тўғри майдондан четлатилган.
6. Томас Манфредини «Сассуола»/«Женоа» (Италия) 8 сариқ + 1 иккинчи сариқ + 1 қизил
Томас Манфренди ушбу мавсумда Италия «А» сериясида икки жамоа сафида тўп суриб улгурди. Манфренди 8 сариқ карточка олди. Шу билан бирга 1 ўйинда иккинчи сариқни олиб, яна биттасида эса қизил карточка олиб майдондан четлатилган.
7-8. Мануел Итурра «Гранада» (Испания) 9 сариқ + 2 иккинчи сариқ
«Гранада» футболчиси Мануел Итурра премерода қўполлиги билан алоҳида ажралиб турадиган футболчилардан бири. Ҳимоячи умумий ҳисобда 11 бора сариқ карточка олган. Шуларнинг 2 таси иккинчи сариқ бўлганлиги учун қизилга айланган.
7-8. Янник Каюзак «Бастия» (Франция) 9 сариқ + 2 иккинчи сариқ
Франциянинг «Бастия» клуби ҳимоячиси Каюзак ҳам Итурра билан бир хил кўрсаткичларга эга. Янник Франция чемпионатида энг қўпол футболчилар рўйхатининг 2-поғонасидан ўрин эгаллаб турибди.
9. Александр Лаказетт «Лион» (Франция) 7 сариқ + 1 иккинчи сариқ + 1 қизил
«Лион» ҳимоячиси Лаказетт 8 сариқ 1 та қизил карточка билан жазоланган. Александр битта учрашувда сариқлари сони иккитага етгани учун майдон билан эрта хайрлашишига тўғри келган.
10. Кевин Нолан «Нюкасл» (Англия) 6 сариқ + 2 қизил
«Нюкасл» ҳимоячиси Кевин Нолан бор йўғи 6 маротаба огоҳлантирилган холос. Бироқ, 2 та ўйинда майдондан четлатилган. Шу боис ҳам рейтингнинг 10-поғонасидан жой эгаллади.
Бонус:
Уесли Браун «Сандрленд» (Англия) 1 сариқ + 3 қизил
Браун сариқ карточка олиб ўтиришни хуш кўрмайди. У қўполлик ишлатадиган бўлса, тўғридан-тўғри қизил карточка олиб майдонни тарк этадиганлардан ҳисобланади. Ҳозирча «Сандрленд» ҳимоячиси кучли бешликда 3 та қизил карточка олган ягона футболчи саналади. Бироқ, сариқлари сони атиги 1 та эканлиги эса ажабланарли холдир.
Юсупов Фурқат
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
