“Насаф” ва “Локомотив” жамоалари олий лига баҳсларида 18 марта тўқнаш келишган. Ушбу учрашувларнинг 11 тасида қаршилик футболчилар ғалаба нашидасини суришган. Тўрт ўйинда дуранг натижа қайд этилган бўлса, “Локомотив” ҳисобида учта ғалаба мавжуд.
Хабарингиз бор, ўтган йили “Локомотив” жамоаси “Насаф”ни Тошкентда мағлуб этишганди – 2:0. “Насаф” ўз тархида икки марта йирик 5:1 ҳисобида темирйўлчиларни таслим этган.
Ҳозирча «Локомотив» дарвозасига энг кўп гол киритган ўйинчи — Зафар Холмуродов бўлиб турибди. Ушбу собиқ футболчи «Локомотив» дарвозасига 10та гол киритган, ҳатто бир ўйинда покер ҳам қайд этган.
Ўзаро ўйинларда энг кўп қайд этилган ҳисоб – 2:0 (6 марта)
Ўзаро ўйинларда қайд этилган энг йирик ҳисоб – 5:1 ( 2 марта)
Сафарда қозонилган ғалаба — “Насаф” 4 марта, – “Локомотив” 1 марта
Ўзаро ўйинларда қайд этилган дуранг – Қаршида 1 марта, Тошкентда 3 марта
Ўзаро ўтказилган 18 ўйинда 6 хил натижа қайд этилган – 5:1, 2:0, 2:1, 1:0, 1:1, 0:0.
Бўлиб ўтган ўзаро учрашувлар тарихига назар ташлайдиган бўлсак, илк ва сўнгги учрашувда ҳам “Локомотив” ғалаба қозонган.
Навбатдаги учрашув 24 март душанба куни Тошкентда “Локомотив” стадионида бўлади, ушбу учрашув жамоалар тарихида 19-учрашув сифатида қайд этилади. Мазкур жамоаларнинг ўринбосарлари ўртасидаги баҳс эса 23 март якшанба куни Тошкент вилоятидаги “Дўстлик” стадионида бўлиб ўтади.
24 мартдаги учрашув ҳар қачонгидан қизиқарли бўлиши кутилмоқда. “Локомотив” ўз сафини кўпгина тажрибали ўйинчилар билан кучайтирибгина қолмай балки энди бу жамоага мухлислар ёқимтойига айланган ва катта тажрибага эга мураббий – Вадим Абрамов устозлик қилмоқда.
ЎзПФЛ 2-тур. 24 март 2014 й. Тошкент ш. “Локомотив” стадиони
«Локомотив» (Тошкент) – «Насаф» (Қарши)
Ҳакамлар: В. Цейтлин (Тошкент), Ф. Ҳасанов (Наманган), А. Цапенко (Тошкент вилояти), Ш. Қосимов (Тошкент).
Назоратчи: А. Арутюнов (Тошкент).
“Насаф”дан эса мухлислар жамоанинг ўз ўйинини қилиб, Тошкентдан уч очко билан қайтишларини кутишмоқда.
Эслатиб ўтамиз, “Локомотив” – “Насаф” учрашуви 24 март душанба куни соат 16:00да бошланади. Ёшлар ўртасидаги учрашув эса 23 март якшанба куни соат 15:00да бошланади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
