Ўзбекистон чемпиони “Бунёдкор” 2-тур доирасида Муборакда “Машъал” меҳмони бўлди.
Учрашувда ҳар иккала жамоа аъзолари ўзлари истаган даражада ўйин кўрсата олишмади. Эрталабдан ёғган ёмғир натижасида майдон ҳолати ёмонлашди. Бу эса футболчиларга комбинацион ўйин кўрсатишга имкон бермади.
Ўйиндаги дастлабки хавфли вазият муборакликлар томонидан юзага келтирилди. Жаҳонгир Абдумўминов ўткир бурчак остидан туриб, “Бунёдкор” дарвозаси томон зарба йўллади. Бу вазиятда тажрибали Павел Бугало катта қийинчилик билан тўпни майдон ташқарисига чиқариб юборди. Тўпга кўпроқ эгалик қилган “қалдирғочлар”да биринчи бўлимда яққол вазиятлар бўлмади. Бироқ Пишур ҳисобни очиш учун бир-икки вазиятда яратди. Унинг олис масофадан йўллаган зарбасини Ботир Носиров тўсиб қолишга эришди. Умуман олганда, биринчи бўлимда футболчилар майдонга мослашиш билан вақт ўтказишди.
Иккинчи бўлим ҳам худди биринчиси каби бошланди ва шундай давом этди. Ҳа деганда, олис масофаларга узун-узун пас оширишлар самара беравермади. Лекин 75-дақиқада “қалдирғочлар” ҳисобни очишга эришишди. “Машъал” дарвозаси олдида юзага келган тиқилинч вазиятдан Дилшод Жўраев унумли фойдаланиб, чамаси 12 метрлардан дарвозани нишонга олди – 0:1. Бундай ўйинларда учрашув тақдирини битта гол ҳал қилади. Лекин бу сафар ундай бўлмади. “Машъал” аъзолари ҳисобни тенглаштириш илинжида олдинга ўтишди. Қарши ҳужумдан эса “Бунёдкор” унумли фойдаланиб, муборакликларни жазолашди. Алибобо Раҳматуллаевнинг ўнг қанотдан оширган пасини Воҳид Шодиев тўхтатмасдан дарвозага йўллади ва ҳисобни 0:2га оширди. Бу пайтда ўйинга қўшиб берилган дақиқалар ўтиб бораётган эди.
Шу тариқа, “Бунёдкор” олий лига-2014даги илк сафар учрашувини ғалаба билан якунлади. Дарвоқе, “Бунёдкор” ва “Машъал”нинг ўзаро ўйинларидаги “қалдирғочлар”нинг дарвоза дахлсизлиги бу сафар ҳам давом этди.
“МАШЪАЛ” – “БУНЁДКОР” 0:2 (0:0)
Голлар: Дилшод Жўраев 75 (0:1), Воҳид Шодиев 90+2 (0:2)
Огоҳлантириш: Отабек Нарзуллаев 73
“Машъал”: 30.Ботир Носиров, 22.Сирож Ҳамроев, 20.Шерзод Файзиев, 5.Ғиёсжон Комилов, 10.Жамшид Хасанов (6.Қаҳрамон Баҳодиров 85), 19.Мирзоҳид Ғофуров, 17.Отабек Нарзуллаев, 7.Жаҳонгир Абдумўминов, 14.Зафар Тўраев, 26.Зоҳир Қўзибоев, 80.Мўйдин Мамазулумов (9.Ихтиёр Тошпўлатов 78)
Захира: 1.Санжар Қувватов, 3.Дилявер Ваниев, 33.Андрей Деркач, 25.Элдор Шомуродов, 23.Отабек Шукуров
“Бунёдкор”: 1.Павел Бугало, 4.Хайрулла Каримов, 5.Дилшод Жўраев, 6.Анвар Гофуров, 10.Анвар Бердиев, 11.Олександр Пишур (14.Вохид Шодиев 63), 15.Ислом Иномов, 21.Сардор Рашидов (24.Баҳодир Пардаев 66), 27.Сардор Собирхўжаев, 33.Олег Зотеев (7.Алибобо Раҳматуллаев 74), 40.Сеpгей Симоненко
Захира: 45.Акбар Тўраев, 2.Акмал Шораҳмедов, 9.Минорио Сато, 18.Бобуржон Акбаров
Ҳакамлар: В. Коваленко (Тошкент), Р. Илёсов (Тошкент), М. Саидқосимов (Тошкент), Д. Каримов (Тошкент)
Назоратчи: А. Абдуллаев (Тошкент)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
