Вьетнамда давом этаётган футзал бўйича Осиё чемпионати ярим финалида Ўзбекистон миллий терма жамоаси қитъанинг энг кучли терма жамоаси – Эронга 10:0 ҳисобида имкониятни бой берди.
8 май, пайшанба куни Вьетнамнинг Хошимин шаҳрида жойлашган «Пҳу То» стадионида бўлиб ўтган баҳс тақдири амалда биринчи бўлимдаёқ ҳал бўлиб улгурди. Алиризо Вафоий учрашувнинг 1-дақиқасидаёқ ҳисобни очган бўлса, Ҳусайн Тойибий, Асқар Ҳасанзода, Аҳмад Исмоилпур ва Воҳид Шофеий томонидан киритилган голлардан сўнг Эрон терма жамоаси танаффусга 5:0 ҳисобидаги устунлик билан чиқиб кетди.
Ўзбекистонлик футзалчилар иккинчи бўлимда ҳам кучли рақибга қарши жиддий қаршилик кўрсата олишмади. Якуний ҳисоб - 10:0 ва Эрон терма жамоаси мусобақанинг финалига йўл олди, Ўзбекистон эса учинчи ўрин учун баҳс олиб борадиган бўлди.
Вьетнамдаги мусобақани якунлаб берадиган финал ва 3-ўрин баҳслар 10 май, шанба куни ўтказилади. Тошкент вақти билан 14:00да Ўзбекистон миллий терма жамоаси 3-ўрин учун Кувайт терма жамоасига қарши баҳс олиб борадиган бўлса, 17:00да бошланадиган ўйинда ярим финалда Кувайтни 6:1 ҳисобида этган Япония Эронга рақиб бўлади.
Эслатиб ўтамиз, Баҳодир Аҳмедов қўл остидаги Ўзбекистон футзал терма жамоаси мусобақа гуруҳ босқичида Қирғизистон билан дуранг ўйнади (2:2), Япония (2:1) ва Жанубий Корея (3:0) терма жамоаларини мағлубиятга учратди. Ливан терма жамоасига қарши кечган чорак финал ўйинида эса ўзбекистонлик футболчилар 6:2 ҳисобида зафар қучишган эди.
Футзал бўйича Осиё чемпионати-2014
Ярим финал учрашуви
8 май, пайшанба
ЭРОН – ЎЗБЕКИСТОН 10:0 (5:0)
Ҳакамлар: Муҳаммад Чамий (Ливан), Труонг Куок Дунг (Вьетнам), Ҳусайн Муҳамад Халайла (Иордания).
Таймкипер: Крис Колли (Австралия).
ЭРОН (асосий таркиб): Алиризо Самимий, Алиризо Вафоий, Асқар Ҳасанзода, Фарҳод Тавакколий, Ҳусайн Тойибий.
Захира: Сепеҳр Муҳаммадий, Воҳид Шофеий, Ҳамид Аҳмадий, Қудрат Баҳодирий, Фарҳод Фахим, Муҳаммад Тоҳирий, Аҳмад Исмоилпур, Муҳаммад Шажарий, Беҳруз Жаъфарий.
ЎЗБЕКИСТОН (асосий таркиб): Рустам Умаров, Умид Холматов, Шуҳрат Тожибоев, Фарҳод Абдумавлонов, Артур Юнусов.
Захира: Жавлон Аноров, Мақсуд Файзуллаев, Абдураҳмонов, Дилшод Раҳматов, Андрей Шлёма, Клим Тюгаев, Даврон Чориев, Аъзам Сайдаҳматов, Жасур Содиқов.
Голлар: Алиризо Вафоий (1), Ҳусайн Тойибий (5, 25, 27), Асқар Ҳасанзода (5), Аҳмад Исмоилпур (7), Воҳид Шофеий (9, 24, 31), Муҳаммад Шажарий (30).
Огоҳлантиришлар: Шуҳрат Тожибоев (7), Артур Юнусов (7), Аъзам Сайдаҳматов (28).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
