Хавьер Маскерано: «Месси футболчи алмаштириш борасида Сабельяга кўрсатма бермайди»
Аргентина терма жамоаси ярим ҳимоячиси Хавьер Маскерано баёнот бериб, ҳужумчи Лео Месси ҳеч қачон терма жамоа бош мураббийи Алехандро Сабельянинг ишига аралашмаслигини таъкидлади.
«Ўйин пайтида қайси футболчиларни ўзгартиришни айнан Сабелья ҳал қилади. Ундан ташқари, ўйин қизғин кечаётган пайтда футболчини бир четга чақириш ва бундай масалаларни муҳокама қилиш қийин иш. У ўз ёрдамчилари билан маслаҳатлашди ва кейин ўйинни қандай ўзгартиришимиз кераклигини бизга айтади.
Мен Мессини яхши биламан. У ҳеч қачон қайси футболчини майдондан олишни ва қайси ўйинчини майдонга туширишни айтмайди. Месси ундай эмас, у ўзига шерик танламайди.
Бундай масалаларни мураббий ҳал қилади. Бу иш билан Месси шуғулланганида бу ҳолат Себальяга нисбатан ўта кетган ҳурматсизлик бўларди», – дейди Маскерано.
Манба: www.sports.ru
Киритилди: 16:15, 20.06.2014. Ўқилди: 5623 марта. Фикрлар: 6 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар