Коста-Рика жаҳон чемпионатининг ҳақиқий кашфиётига айланди. Бу жамоа мундиалнинг барча 5та баҳсини юқори савияда ўтказди ва бирорта ўйинда ҳам ютқазмади. Хорхе Пинто шогирдлари умуман мағлубиятга учрамасдан, бошларини тик тутганча Мундиални тарк этишди.
Пенальтилар сериясида бироз омад кулиб боққанида коста-рикаликлар ярим финалга ҳам чиқишлари мумкин эди. Аммо тажрибали ва айёр Луи ван Гал кучли жамоани бошқараётганига қарамай, пенальтилар сериясига ҳам махсус тайёргарлик кўриб қўйган экан. Бу ҳақда бироз кейинроқ, ҳозир эса ўйиннинг ўзи ҳақида.
Голландлар ўйинни фаол бошлаши ва бутун ўйин давомида ҳужумлар ташкил этгани, Коста-Риканинг иккинчи рақам остида ўйнагани ҳеч кимни ажаблантиргани йўқ. Бутун ўйин давомида мухлислар битта саволга жавоб излашди: Коста-Рика мудофааси ва дарвоза чизиғи қанча вақтгача нидерландларнинг босимига чидаб бера олади? Агар босимга чидай олса, шимолий америкаликлар қарши ҳужумда юзага келадиган имкониятлардан фойдалана олишадими?
Бу кеча Роббенга симуляция ишлатмади, бунга интилмади ҳам. Боиси, ҳакам энди унга ишонмаслигини, симуляция туфайли ўзи огоҳлантириш олиши мумкинлиги биларди. Арьен бутун ўйин давомида ўнг қанотда ўзи ҳам тиним билмади, рақиб ҳимоячиларини ҳам эркин нафас олишга қўймади. У жуда кўп маротаба шерикларини тўп билан таъминлади, аммо Ван Перси, Депай, Снейдер каби футболчилар имокниятлардан фойдалана олишмади. АҚШ дарвозабони Тим Ховард Бельгияга қарши ўйинда ўз сэйвлари сони бўйича рекорд натижа қайд этганди. Ҳисоблаб кўриш керак, Кейлор Навас бу борада АҚШлик ҳамкасбидан қолишмадиёв!
Дарвоза тўсини ва устунлари икки марта Навасга ёрдамга келди. Ҳар иккала сафар зарбани Снейдер амалга оширганди. Бир вазиятда эса Ельцин Техеда дарвоза чизиғи устида Ван Перси томонидан йўлланган зарбани қайтариб қолди.
Голландия бутун ўйин давомида ҳужум қилдию, аммо ғалабани Коста-Рика илиб кетиши ҳам мумкин эди. Қўшимча бўлимлар тугашига 3 дақиқа қолганида Уренья европаликлар мудофаа чизиғини алдаб ўтдию, жарима майдончаси ичида зарба берди. Силессен тўпни оёқлари билан қайтариб қолди.
Қўшимча бўлимлар тугаш арафасида Луи ван Гал дарвозабонларни алмаштирди: Силессен ўрнига Тим Крул туширилди. Ушбу дарвозабон пенальтилар сериясида Коста-Риканинг иккита зарбасини қайтарди, қайтара олмаган зарбаларнинг ҳам йўналишини топди. Голландиялик футболчилар эса пенальтиларни ишончли тарзда амалга оширишди.
Ғалабани ўйиннинг ўзида эса пенальтилар серияси орқали қўлга киритган Голландия ярим финалга йўл олди. Бу босқичда Ван Гал шогирдларини Аргентина кутиб турибди. Коста-Рика эса бирорта ҳам мағлубиятга учрамай, Мундиални тарк этди.
Дарвоқе, ушбу чорак финал баҳсини Равшан Эрматов бошчилигидаги ўзбекистонлик ҳакамлар бошқаришди. Улар бутун ўйин давомида ҳеч кимда ҳеч қандай эътироз юзага келишига йўл қўйишмади. Ўйинни аъло даражада бошқаришди. Демак, Эрматовни финалда кутишга ҳақлимиз.
ЖЧ-2014, ЧОРАК ФИНАЛ
ГОЛЛАНДИЯ - КОСТА-РИКА - 0:0, Пенальти серияси - 4:3
Голландия – Силессен (Крул, 120), де Врей, Влар, Мартинс Инди (Хунтелар, 106), Кюйт, Вейналдум, Блинд, Депай (Ленс, 76), Снейдер, ван Перси, Роббен.
Коста-Рика – Навас, Гамбоа (Майри, 79), Гонсалес, Уманья, Акоста, Диас, Борхес, Техеда (Куберо, 97), Руис, Боланьос, Кэмпбелл (Уренья, 66).
Пенальтилар серияси:
Борхес (0:1) — Ван Перси (1:1)
Руис (1:1, дарвозабон) — Роббен (2:1)
Гонсалес (2:2) — Снейдер (3:2)
Боланьос (3:3) — Дирк Куйт (4:3)
Уманья (4:3, дарвозабон)
Огоҳлантиришлар: Диас (37), Уманья (52), Мартинс Инди (64), Гонсалес (81), Акоста (107), Хунтелар (111).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
