«Барселона» бош мураббийи Луис Энрике «Эльче»га қарши бўлиб ўтган Ла-Лиганинг 1-тур баҳсидан (3:0) кейин ўз фикрларини билдириб ўтди.
Ўйин ва Месси ҳақида
Мен ўйиндан тўла қониқиш ҳосил қилдим. Мен ҳамиша айтиб келганман: Месси — дунёнинг энг яхши футболчиси. У ҳар жабҳада — гол уришда, узатмалар беришда, ҳимоявий ўйинда, прессингда энг яхшиси ҳисобланади. Мессини сеҳрли таёқча билан сеҳрлангандек гўё. У буни ҳар куни намойиш қилади. У машғулот чоғида ҳам ҳайрон қолдира олади.
Мунир ҳақида
Мунир ал-Ҳаддодий жуда тез ўсмоқда. У машғулотда сидқидилдан ишламоқда. У орқали биз олдинги чизиқда турли вариантларга эга бўляпмиз, у гол ура олади. Ундан умидларимиз катта, лекин ошириб юбормаслигимиз керак. Ҳозирча ҳаммаси яхши кетмоқда, аммо у ҳали кўп ишлаши лозим.
Хави ҳақида
Хави вазиятга тўғри баҳо бераётганидан хурсандман. У бугун ўйнамади. Боиси, ўйинга тўлиқ тайёр эмасди. Лекин мавсум давомида у ўз вазифасини бажаради.
Қора мушук ҳақида
Қора мушук омадсизлик келтиради, деб ўйладимми? У бизнинг захира ўриндиғимиз ёнидан югуриб ўтди, лекин "Эльче" захира ўрииндиғи олдидан ҳам ўтди (кулади).
Маскеранонинг қизил карточкаси ҳақида
Маскерано қизил карточка олиб, майдонни тарк этганидан кўра, гол ўтказиб юбориб, тўлиқ таркиб билан ўйнашни маъқул кўраман.
Деулофеу ҳақида
Деулофеу — ажойиб ўйинчи. У ушбу мавсумда кўп гол уриши мумкин. Лекин у «Севилья»ўйин амалиётига эга бўлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).