Энтони Хадсон: «Ўзбекистон бутун жамоа бўлиб яхши ўйнади»
Ўзбекистон - Янги Зеландия терма жамоалари ўртасидаги учрашувдан кейин матбуот анжумани ташкил этилди. Унда дастлаб меҳмонлар бош мураббийи Энтони Хадсон иштирок этди.
— Бу менинг терма жамоадаги илк ўйиним эди. Ўзбекистон терма жамоаси жуда яхши ўйин намойиш қилди. Бу мен учун яхши тажриба бўлди. Биринчи ўйинда ғалаба қозонмоқчи эдик. Аммо ўйин бошида яхши ўйнай олмадик ва шунинг учун жазоландик. Ўзбекистон эса бугун бутун жамоа бўлиб яхши ўйнади.
— Терма жамоа бугун жисмоний жиҳатдан яхши тайёргарликка эга бўлмагани учун ютқаздими?
— Ҳа, фикрингизга қўшиламан. Биз айнан жисмоний жиҳатдан ютқаздик. Кўп футболчилар Австралия чемпионатида ўйнашади ва у ерда ҳали чемпионат бошланмаган. Ўртоқлик ўйинлари орқали жамоанинг тайёргарлигини яхшилаб борамиз.
— Жамоа бундан яхшироқ ўйнаши мумкин эдими?
— Олдинда ҳали қиладиган ишларимиз кўп. Жамоамиз энди шаклланмоқда.
— Жамоадаги кўп футболчиларнинг кўпи Европада ўйнаса, баъзилари маҳаллий чемпионатда тўп суради. Уларнинг савияси ўртасидаги тавофутни қандай қилиб боғлаяпсиз?
— Бу ўйин шундай ҳолатни кўрсатиб бериши шарт эди, кўрсатиб берди ҳам. Келажакда бунинг устида ишлаймиз ва бу тавофутни йўққа чиқаришга ҳаракат қиламиз.
— Бугунги ўйинда Ўзбекистон терма жамоаси таркибида энг яхши футболчиси сифатида кимни айта оласиз?
— Бугун Ўзбекистон терма жамоасида барча футболчилар яхши ўйнади. Мени ҳайратга солган нарса шу бўлдики, захирадан майдонга тушган футболчилар ҳам савияни тушириб юбормади. Бу жуда яхши нарса. Янги Зеландия терма жамоаси сўнгги ЖЧ саралашидан ўта олмаганига айнан асосий таркиб ва захира футболчилари бир хил савияга эга бўлмагани сабаб бўлганди.
— Ўзбекистон терма жамоасини ниманинг эвазига мағлуб этишни режалаштиргандингиз?
— Ўзбекистон терма жамоаси ўзимиз режалаштирган ишларни амалга оширишга йўл қўймади. Рақибимиз ўйинни тез бошлаб кетди ва биз ўз режамиз қўллашга улгурмадик. Янги Зеландия футбол федерацияси Осиёга ўтиш ҳақида ўйлаётганди. Бугунги ўйин кўрсатиб бердики, агар биз Осиёга ўтсак, Ўзбекистон бизга ҳамиша тўсиқ бўлади. Шунинг учун ҳозирча Осиёга ўтишга ҳали эрта экан.
Киритилди: 21:36, 08.09.2014. Ўқилди: 6105 марта. Фикрлар: 20 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
