Оғир атлетика бўйича вазни 85 кг.гача бўлган эркаклар мусобақасида Ватанимиз шарафини ҳимоя қилган Улуғбек Алимов даст кўтаришда 164 кг., силтаб кўтаришда эса 205 кг. тошни ўзига бўйсинтириб, иккикураш якунларига кўра Осиё ўйинларининг бронза медали совриндори бўлди.
Мусобақа якунига етгач, Улуғбек Алимов Осиё ўйинларидаги иштироки ҳақида қуйидагиларни сўзлаб берди.
— Янги вазнга ўтгач, биринчи мусобақадаёқ совриндорлар сафидан ўрин олганимдан жуда ҳам хурсандман. Албатта, Осиё ўйинларида олтин медални қўлга киритишни мақсад қилгандим, лекин бу сафар бронза медали билан чекланишга мажбур бўлдим.
— Биласизми, Осиё ўйинларида иштирок этаётган аксарият номдор спорчилар, Олимпиада ўйинлари ҳамда жаҳон чемпионати ғолиб ва совриндорлари мусобақадан сўнг ўтказилаётган матбуот анжуманларида рақобат муҳити ўта кучли бўлаётганлигини таъкидлашмоқда. Бу фикрга сиз ҳам қўшиласизми?
— Бу жараён айниқса, оғир атлетикада янада яққол кўзга ташланмоқда. Бу эса ўз навбатида спортнинг ушбу тури Осиёда қай даражада ривожланиб бораётганлигидан далолат беради. Лекин биз ҳам Ватанимиз шарафини муносиб ҳимоя қилишга астойдил харакат қиляпмиз. Бугунга қадар Маҳлиё Тоғаева ва мен Осиё ўйинларининг бронза медалига сазовор бўлдик. Олдинда яна бир неча вазнларда мусобақалар турибди ва ана шу мусобаларда иштирок этадиган терма жамоамиз аъзолари делегациямиз ҳисобига яна медалларни келтирадилар деб умид қиламан. Осиё ўйинлари ҳар бир спортчи учун катта маҳорат мактаби вазифасини ҳам ўтайди. Бежизга мазкур мусобақаларни кичик олимпиада деб аташмайди. Барчага яхши маълумки, Осиёда спорт жадал суръатларда ривожланиб бормоқда. Биз ҳам ўз навбатида мана шундай кучли рақобатда муносиб иштирок этишга ва Ўзбекистон оғир атлетика мактаби қай даражада тараққий этиб бораётганлигини исботлашга астойдил харакат қиляпмиз.
— Спортчи ҳар доим юқори спорт формасига эга бўлиши учун энг аввало нимага эътибор қаратиши лозим?
— Доимо ўз устида ишлаши, бугун қўлга киритган муваффақиятига ҳаволаниб кетмаслиги лозим. Спортда ўз олдингизга юксак мақсадни қўйишдан ташқари унга эришишни ҳам уддалаш зарур. Сабабсиз қолдирилган бир кунлик машғулот ҳам охир-оқибат ўз сўзини айтиши мумкин. Биз спортчиларга Давлатимиз томонидан барча шароитлар яратилган. Устозларимиз ҳам жуда тажрибали. Биздан фақат яратилган шароитлардан самарали фойдаланиш талаб этилади. Айтишадику, агар зўр бўлсанг, ҳар қандай тўсиқни енгиб ўтиш мумкин. Спортда эса ғалаба ўз-ўзидан келмайди. Бунга энг аввало муносиб бўлиш зарур. Муносиб бўлиш учун эса ўз устингизда доимо ишлашингиз керак. Ғалабалар йиллар давомида олиб борилган машаққатли меҳнатлар эвазига қўлга киритилади. Осиё ўйинларидаги иштирокимизни мураббийлар билан албатта таҳлил қилинади. Қаерда хато қилдик, нимани назардан четда қолдирдик ўрганиб чиқилади. Ниятимиз ҳар бир мусобақада Ватанимиз шаънини муносиб ҳимоя қилиш ва Ўзбекистон довруғини янада юксалтириш учун бор билим ва маҳоратимизни ишга соламиз.
— Биз ҳам ўз навбатида бўлажак мусобақаларда сизларга омад ва зафарлар тилаб қоламиз.
Шавкат Жалилов суҳбатлашди.
Инчеон шаҳридан тайёрланди
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
