Лукас Подольски: "Польшага гол урсам - голни нишонламайман"
Германия терма жамоасининг ҳужумчиси Лукас Подольски Евро-2016 саралаш босқичида Польшага қарши учрашув одидан фикрлари билан ўртоқлашди.
"Поляклар ҳали ҳеч қачон немисларни мағлуб этмаган. Тушунаман, улар ниҳоят бу ишни қилишмоқчи, аммо биз совға улашмаймиз. Бизга уч очко керак.
Бу ўйин жуда қийин бўлишини билиб турибмиз. Ўз футболчиларини жуда қизғин қувватлайдиган мухлисларга тўла стадионда ўйнаймиз.
Шанба кунги ўйин олдидан кўплаб поляк дўстларим билан суҳбатлашдим. Ҳаммаси Польша термасининг Европа чемпионатига чиқа олиши ҳақида гапирмоқда. Мен ҳам шундай деб ўйлайман.
Бу мен учун ўзгача ўйин, ахир биз ўзим туғилган мамлакатда ўйнайман. Шунинг учун гол урсам қувончимни кўрсатмайман, ғалаба қозонсак ҳам.
Мен учун полякларга қарши ўйин - муҳим воқеа. Келажакда Польшанинг "Гурник" клубида ҳам ўйнашим мумкин", - дейди Пдольски.
Манба: sports.ru
Киритилди: 09:32, 11.10.2014. Ўқилди: 2956 марта. Фикрлар: 4 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар