Англия футбол ассоциацияси "Ливерпуль" ҳужумчиси Марио Балотеллига қарши суриштирув ишларини бошлади, дея хабар беради The Guardian.
Агар футболчининг Instagram ижтимоий тармоғига қўйган суратларида ирқчилик ва антисемитизм белгилари аниқланса, Балотелли 5та ўйинга дисквалификация қилиниши мумкин.
Эслатиб ўтамиз, Италия терма жамоасининг ҳужумчиси интернетга Супермарио видеоўйини қағрамони суратларини жойлаган, ўйин қаҳрамони ўзига турли маданият унсурларини жамлаган.
"Ирқчи бўлманг! Мариодек бўлинг. У - японлар томонидан яратилган оддий италиялик водопровод ишчиси, инглиз тилида гапиради, мексикалик каби кўринишга эга, қоратанли каби сакрайди ва яҳудий сингари пул йиғади", - деб ёзади Балотелли.
Фотосуратга ёзилган шарҳларга жавоб ёзар экан, Балотелли фойдаланувчилардан антисемит бўлмасликлариниқатъий талаб қилиб, унинг ўз онаси ҳам яҳудий эканлигини маълум қилади. Кейинроқ у суратни бутунлай ўчириб ташлади. Аммо футболчининг кўп фикрлари ҳақоратомуз кўринади.
"Биз ирқчиликдан нафратланамиз, - дейди ФА вакили Саймон Жонсон. - Ассоциация футболдаги ирқчиликка қарши кураш борасида муваффаққиятга эришиш учун текширув ўтказади".
Матнда хатолик топсангиз, ўша хатони белгилаб, бизга жўнатинг (Ctrl + Enter).