Жанлуижи Буффон: "Янада жасурроқ, журъатлироқ бўлишимиз керак"
Сешанба куни "Атлетико"га қарши ЕЧЛ гуруҳ босқичининг сўнгги тури доирасида ўйин ўтказадиган "Ювентус" посбони Жанлуижи Буффон жамоадошларини янада жасурроқ бўлишга чақирди. Плей-офф йўлланмасини қўлга киритиш учун туринликларга ушбу учрашувдаги бир очко ҳам кифоя қилади. Айни пайтда жамоа иккита тўп фарқи билан рақибини доғда қолдириб, гуруҳ ғолиби бўлиши ҳам мумкин.
А-серия чемпионлари ЕЧЛнинг ўтган мавсуми 6-турида "Галатасарой"га имкониятни бой бериб, гуруҳдан чиқа олишмаганди. Жамоа дарвозабони Буффон Tuttosport нашрига берган интервьюсида сешанба кунги баҳс жума куни "Фиорентина"га қарши 0:0 ҳисобида якунланган ўйиндан фарқ қилишини айтиб ўтди.
"Яна бироз жасурлик кўрсатиб, Флоренциядаги ўйинда ғалаба қозонишимиз мумкин эди. Сешанба куни биздан бундан-да жасурроқ бўлиш талаб этилади. Сешанбада - финал. Биз гуруҳни ғолиб сифатида якунлаш учун ўйнаймиз, бироқ энг асосийси - плей-офф. Биз ўзимизни буюк натижаларга эришишга қодир деб ҳисоблаймиз, лекин биз ҳозиргидан ҳам кучлироқ ва журъатлироқ бўлишимиз керак.
Чемпионлар лигасида ғалаба қозонишни мен 14 йилдан буён кутаман", - деди Буффон.
Манба: www.goal.com
Киритилди: 17:06, 07.12.2014. Ўқилди: 3678 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар