"Реал" футболчилари: Моуриньо бизни тинч қўйсин, биз унга майдонда жавоб берамиз
Мадриднинг "Реал" клуби футболчилари Чемпионлар Лигаси плей-офф босқичида Лондоннинг "Челси" клубига қарши ўйнашни истамоқдалар.
Маълумотларга кўра, "Реал" футболчиларининг бундай хоҳиши "Челси" устози Жозе Моуриньо билан боғлиқ. Сўнгги вақтда португалиялик мураббийнинг "Реал" ва унинг футболчилари ҳақидаги фикрларини Испания ОАВ "Реал"га бўлаётган психологик босим дея таъкидашмоқда. Маълумот учун, Моуриньо ўзининг сўнгги интервьюсида хозир бошқараётган жамоаси ва унинг футболчиларини жуда яхши кўришини айтиб ўтган эди. Бу сўзлар эса, "Реал" ва унинг футболчилари тарафга қилинаётган психологик босим деб қабул қилинди. Эслатиб ўтамиз, "Реал" бош мураббийи сифатидаги сўнгги мавсумида португалиялик мураббий жамоанинг кўплаб футболчилари билан чиқишмай қолган эди.
"Чемпионлар Лигасида "Челси" билан ўйнашни жуда истамоқдамиз. Агар биз финалга чиқсак, рақибимиз айнан "Челси" бўлишини истаймиз. У бизни тинч қўйсин. Барчаси ортда қолган", - дейди "Реал" футболчиларидан бири.
Манба: soccer.ru
Киритилди: 09:31, 29.12.2014. Ўқилди: 5787 марта. Фикрлар: 14 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар