Осиё Кубоги-2015даги иштирокини кутилганидан бироз эртароқ якунлаган Миржалол Қосимов бошчилигидаги терма жамоамиз юртимизга қайтиб келди. Футболчиларимизни кутиб олиш мақсадида Тошкент халқаро аэропортига чиққанимизда камсонли мухлислар билан бир қаторда кўпчиликка яхши таниш бўлган мутахассис Тоҳир Копадзени ҳам учратдик.
Вазиятдан унумли фойдаланган ҳолда ушбу мутахассиснинг Осиё Кубоги-2015 турнирида терма жамоамизнинг иштироки борасидаги фикрлари билан қизиқдик.
– Тоҳир ака, терма жамоамизнинг Осиё Кубоги-2015 турнирдаги иштироки борасида нима дея оласиз?
– Авваламбор, шуни таъкидлаш керакки, терма жамоамизнинг турнирда қайд этган натижаси барчамизни ҳафа қилди. Зеро, бутун халқимиз миллий термадан энг камида ўтган сафарги натижа қайтарилишини кутганди. Аммо футболчиларнинг кўрсатган ўйини ёмон бўлгани йўқ. Йигитлар қўлдан келганча ҳаракат қилишди.
– Турнирдан олдин кўпчилик бизни фаворитлар қаторига қўшишди ва ҳаттоки ярим финалга етиб боришади дейишганди. Аммо бундай бўлмади. Бунга нима сабаб бўлди?
– Ҳа, албатта, термамиз ҳеч бўлмаганда Қатардаги натижани қайд этиши зарур эди. Аммо бу футбол. Мана Япония ҳам турнирни тарк этди. Бу ҳам кутилмаган ҳолат. Бироқ футболчиларга эътирозимиз йўқ. Бизга қаердадир тажриба, маҳорат етмаган бўлса, қаердадир омад. Шунингдек, ҳакамларнинг таъсири ҳам бўлди. Шу сабабли мақсадимизга ета олмадик. Таркибдаги Жамшид Искандеров, Сардор Рашидов ва баъзи ҳимоячилар ҳали ёш, шу билан бирга бундай катта мусобақаларда тажриба ҳам муҳим аҳамиятга эга. Буларнинг барчаси улар катта дарс бўлди, деб ўйлайман. Умуман улар учун барчаси ҳали олдинда.
– Сўнгги ўйинда тажрибали ўйинчилар ўрнига ёшлар туширилишини кутганмидингиз?
– Йўқ, буни кутмагандим. Бундай йирик турнирларда тажрибали ўйинчилар жуда зарур. Мен Сервер Жепаровнинг майдонга туширилмаганлигини умуман тушунмаяпман. Чунки у Ўзбекистоннинг энг яхши футболчиларидан бири. Бундан ташқари жамоада унга эҳтиёж ҳам бор эди. Сабабини фақат мураббийлар билади. Менимча, у албатта, ўйнаши керак эди.
– Терма жамоамиз сафида порлаётган Сардор Рашидов ҳақида фикрларингиз?
– Сардор Рашидов жамоамиз сафида яхши таассурот қолдирган ўйинчилардан бири. Дриблинги, зарбалари ҳаммаси яхши. Бироқ футболда бунинг ўзи камлик қилади. У ўз устида кўп ишлаши ва тажриба тўплаши зарур. Бу йигитимизга омад тилайман. Келажакда у бундан ҳам яхши ўйин кўрсатишига умид қиламан.
– Охирги савол. Осиё Кубоги-2015да ким ғолиб бўлади?
– Умуман олганда, турнирда иштирок этмас эканмиз, бизга ким чемпион бўлиши муҳим эмас. Аммо Жанубий Корея ғолиб бўлишини хоҳлардим.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
