O‘zbekiston, Tojikiston va Qirg‘iziston 2035 yilgi Osiyo kubogini birgalikda o‘tkazishni rejalashtirmoqda.
Markaziy Osiyoning uchta davlati — Qirg‘iziston, Tojikiston va O‘zbekiston 2035 yilda Osiyo Futbol Konfederasiyasiga (OFK) futbol bo‘yicha Osiyo milliy terma jamoalarining asosiy musobaqasini o‘tkazish uchun qo‘shma ariza berish niyatida. Bu haqda sport eksperti Alisher Nikimbayev o‘zining “Futbolium” telegram kanalida obunachilar bilan interaktiv suhbatda ma’lum qildi.
“Nega uch qo‘shni davlat Osiyo kubogini birgalikda o‘tkazishi mumkin emas?” degan savolga mutaxassis shunday javob berdi:
"Rasmiy gapirishga haqqim yo‘q. Ammo men tushunishimcha, 2035 yil uchun hammasi shunday rejalashtirilgan. Va bunga OFKdan norasmiy xayrixohlik allaqachon mavjud".
Shu bilan birga, savol bilan murojaat qilgan obunachi turnirni o‘tkazish uchun barcha imkoniyatlar mavjudligini, xususan, Bishkekda yangi stadion qurilayotgani, eskilari rekonstruksiya qilinayotganini aytib o‘tgan.
“Dushanbe va Xo‘jandni tartibga keltirsa bo‘ladi. O‘zbekistonda esa, FIFA talablariga javob beradigan bir nechta stadionlar mavjud”.
O‘zbekiston U20 hamda U23 yoshgacha bo‘lgan futbolchilar o‘rtasidagi Osiyo kubogiga mezbonlik qilgan. Mamlakat yirik xalqaro futbol musobaqalariga mezbonlik qilish tajribasiga ega. 2023 yilda Qirg‘iziston va O‘zbekiston hamkorlikda birinchi marta kattalar o‘rtasidagi CAFA Cup musobaqasiga mezbonlik qildi.
Ma’lumot uchun, musobaqa mezbonlari avtomatik tarzda Osiyo kubogida ishtirok etish imkoniyatiga ega bo‘ladi.
2023 yilning may oyida Markaziy Osiyo futbol assosiasiyasi (CAFA) prezidenti Emomali Rustam tashkilot kongressida 2031 yoki 2035 yillarda Osiyo kubogi final bosqichini o‘tkazish uchun qo‘shma ariza topshirish rejasini e’lon qilgan edi.
Emomali Rustam o‘z nutqida mintaqa tarixda hech qachon Osiyo kubogining final bosqichiga mezbonlik qilmaganini ta’kidladi.
“Menimcha, vaqti keldi. Mintaqamiz juda kuchli jamoalardan iborat va ishonchim komilki, biz qardosh davlatlar bilan birgalikda Osiyo chempionatining final bosqichini yuqori saviyada o‘tkazamiz”, — dedi CAFA prezidenti.
Shundan so‘ng Osiyo Futbol Konfederasiyasi prezidenti Shayx Salmon bin Ibrohim Al-Xalifa ushbu tashabbusni qo‘llab-quvvatladi va mintaqa terma jamoalar o‘rtasidagi Osiyo chempionatini o‘tkazishga munosib ekanini ta’kidladi.
Osiyo Kubogi (OFK) 1956 yildan buyon har 4 yilda bir marta o‘tkazib kelinmoqda va jahon chempionatidan bir yil o‘tib o‘tkaziladi. Yaponiya terma jamoasi 4 bora bosh sovrinni qo‘lga kiritgan.
2023 yilda o‘tkazilgan so‘nggi turnir mezbon Qatar terma jamoasining g‘alabasi bilan yakunlandi. O‘zbekiston terma jamoasi mezbon jamoaga penaltilar seriyasida mag‘lub bo‘lib, chorak finalda o‘z yurishini to‘xtatgan edi.
Navbatdagi Osiyo kubogi 2027 yilda bo‘lib o‘tadi.
BAA
Bahrayn
Tailand
Hindiston
Iordaniya
Avstraliya
Falastin
Suriya
Janubiy Koreya
Xitoy
Qirg‘iziston
Filippin
Eron
Iroq
Vyetnam
Yaman
Qatar
Saudiya Arabistoni
Livan
KXDR
Yaponiya
O‘zbekiston
Ummon
Turkmaniston