Kirish Registrasiya

• Reklama
• m.std.uz
• facebook
• twitter
• Odnoklassniki
• RSS
• Aloqa

KLUB TARIXI

Tashkil topishi

1896 yilda Madridda «Futbol skay» nomli futbol klubi tashkil etildi va bu keyinchalik “Real” jamoasi asoschisi sifatida tarixga kirdi. Lekin jamoaning tashkil topgan rasmiy sana sifatida 1902 yilning 6 mart kuni qayd etildi. O‘shanda aka-uka Padros va Xulian Palasioslar “Madrid Football Club” nomi bilan klub tashkil etishdi. 1920 yilning 29 iyun sanasida Ispaniya qiroli Alfons XIII klubga “Qirollik” unvonini berdi. Ispanchada bu “Real” deyiladi. Shuning uchun klubning zamonaviy nomi”Real Madrid”.

Klub tashkil etilgan ilk yillardanoq yirik natijalarga da’vogarlik qila boshladi. Jamoa 1903 yilda mamlakat kubogi finaliga chiqdi, ammo unda Bilbaoning “Atletik” jamoasiga yutqazdi. Oradan bir yil o‘tib kubok naq 4 yilga Madridga ko‘chib o‘tdi. «Madrid» ketma-ket 4 marotaba Ispaniya kubogida g‘olib chiqdi. Ispaniya chempionati 1928/29-yilgi mavsumdan boshlab o‘tkazila boshlandi. Bungacha esa jamoalar mintaqalar bo‘yicha o‘tkazilgan musobaqalarda ishtirok etib keldilar. «Madrid» poytaxt mintaqasida 16 yil davomida ishtirok etib keldi.

Rivojlanish davri

O‘tgan asrning 50-yillariga kelib, UYEFA tashkil etilgan etildi va bu tashkilot ham klublar, ham terma jamoalar miqyosida xalqaro musobaqalarni tashkil eta boshladi. Bu paytda “Real Madrid” Ispaniya jamoalari orasida g‘oliblikka da’vogar jamoa hisoblanmasdi. Shunga qaramay, 1954/55-yilgi mavsumda ilk marta o‘tkazilgan Yevropa chempionlar kubogi musobaqasida aynan “Real” g‘alaba qozondi va dastlabki sovrinning Ispaniyaga yo‘l olishini ta’minladi. Shu yildan boshlab u qit’aning bosh musobaqasida ketma-ket 5 yil g‘oliblikni qo‘lga kiritdi. Xalqaro miqyosdagi g‘alaba milliy chempionatdagi g‘alabalarni yetaklab keldi. Madridliklar 1954-1969 yillar oralig‘ida 12 marta mamlakat chempionligini qo‘lga kiritishdi. 15 yil davomida shunday bo‘ldiki, agar jamoa milliy chempionatda g‘oliblikni qo‘lga kiritmasa, UYEFA chempionlar kubogini yutib olaverdi. Shu tariqa, “Real” ketma-ket 15 yil davomida uzluksiz ravishda qit’aning nufuzli musobaqasida ishtirok etib kelishdi. Faqat 1970 yilda ular bu turnirda ishtirok eta olmadilar. Jamoaning suronli davrida mahalliylashtirilgan argentinalik futbolchi Alfredo Di Stefano (Evropaning ikki karra eng yaxshi futbolchisi — 1957 va 1959), fransuz Raymon Kopa («Oltin to‘p» sohibi, 1958), vengriyalik Ferens Pushkash (Evropaning eng yaxshi ikkinchi futbolchisi, 1960), Fransisko Xento (UYEFA chempionlar kubogining olti karra g‘olibi) kabi futbolchilar porlashdi.

Yuqori nomlari keltirilgan yulduz o‘yinchilar futbol o‘ynashni to‘xtatishganidan keyin jamoa Yevropadagi o‘z mavqeini biroz boy berdi. Keyingi parvozni esa deyarli 20 yil kutishga to‘g‘ri keldi. O‘shanda jamoa tarkibiga Emilio Butragenyo boshchiligidagi yangi avlod — Michel, Ugo Sanches, Manolo Sanchis, Martin Vaskes, Migel Pardes kabilar kirib keldi.Ular ikki marta UYEFA kubogida g‘oliblikni qo‘lga kiritishgan bo‘lsa, 5 marta ketma-ket Ispaniya chempioni unvoniga ega bo‘lishdi.

90-yillar

UYEFA chempionlar kubogidagi yettinchi g‘oliblikni jamoaga Fabio Kapello keltirdi. U tarkibga Roberto Karlos, Zeedorf, Miyatovich, Shuker, Panuchchi kabi futbolchilarni taklif qildi. Keyinchalik ular safiga Raul, Yerro, Redondo, Kanisares, Moryentes qo‘shildi. Bu jamoa germaniyalik murabbiy Yupp Xaynkes boshchiligida Chempionlar ligasining 1997/98-mavsumida navbatdagi Kubokni boshlari uzra baland ko‘tarishdi. Ammo Premeroda ular bor-yo‘g‘i 4-o‘rinni band etishdi. Natijada Xaynkes o‘z o‘rnini gollandiyalik Gus Xiddinkka bo‘shatib berdi. U jamoa boshqaruvida 1999 yilning fevral oyigacha qoldi va undan keyin Jona Toshak “Real”ni qabul qilib oldi, ammo u ham noyabr oyida iste’foga chiqarildi. Jamoani esa Visente del Boskega ishonib topshirishdi. U jamoa bilan 2 marta (2000, 2002) YECHLda bosh sovrinni qo‘lga kiritdi.

“Galaktikos” davri

“Real”ga yangi prezidenti — Florentino Peres saylanganidan keyin klubga jahonning eng yaxshi futbolchilarni sotib olishni maqsad qildi. Bu maqsad yo‘lida har yili bir nafardan top-yulduzni sotib ola boshladi. Dastlab rekord summa - 71 million yevro evaziga «Barselona»dan Luish Fugu sotib olindi. Keyingi yillarda Zinedin Zidan («Yuventus»dan — 75 million yevro), Ronaldo («Inter»), Bekxem (“Manchester Yunayted”), Ouen (“Liverpul”). Ushbu yulduzlar tufayli jamoa «Galaktikos» deb nomlana boshlandi. Peresning dastlabki 5 yillik faoliyati davomida «Real» ikki marta Ispaniya chempionligi va bir marta YECHL g‘olibligini (2001/2002) qo‘lga kiritdi.

2006 yilda Roman Kalderon prezidentlikka keldi va Peres davrida sotib olingan futbolchilar - Bekxem, Roberto Karlos, Robinyo, Ronaldo sotib yuborilishdi. Lekin Kalderon bir nechta muvaffaqiyatli xaridlarni amalga oshirdi: Van Nistelroy, Kannavaro, Iguain, Sneyder, Pepe.

Hozirgi davr

2009 yilga Kalderonning 2006 yilgi saylovlar paytidagi qallobliklari ochildi va u iste’foga chiqdi. Jamoa tepasiga yana Peres keldi. U yana o‘ziga xos “galaktikos”ni qura boshladi. Real» ishni 80 millionov funt (93,4 million yevro) evaziga Krishtianu Ronalduni sotib olishdan boshladi. Karim Benzema, Alvaro Arbeloa, Xabi Alonso kabi futbolchilar bilan ham jiddiy yutuqlarni qo‘lga kirita olmagan Manuel Pellegrini iste’foga chiqarildi va jamoaga Joze Mourinyo olib kelindi. Portugaliyalik mutaxassis “Barselona”ning hukmronligiga qisman bo‘lsa-da chek qo‘ya oldi. U Madriddagi faoliyatining ikkinchi yilida mamlakat chempionligini qo‘lga kiritdi. Ammo unga ham YECHLda g‘olib chiqish nasib etmadi.

Ushbu mavsumda esa jamoaga Karlo Anchelotti bosh murabbiylik qilmoqda.

 

JAMOA SARDORLARI

Fransisko Xento 1961 — 1971

Amansio 1971 — 1976

Pirri 1976 — 1979

Karlos Santilyana 1979 — 1988

Manuel Sanchis 1988 — 2001

Fernando Yerro 2001 — 2003

Raul Gonsales 2003 — 2010

Iker Kasilyas 2010 — hozirgi vaqtgacha

 

JAMOANI BOSHQARGAN MURABBIYLAR

Artur Jonson (Angliya, 1910—1920)

Xuan de Karser (Ispaniya, 1920—1926)

Pedro Lyorente (Ispaniya, 1926)

Santyago Bernabeu (Ispaniya, 1926—1927)

Xose Berraondo (Ispaniya, 1927—1929)

Xose Kirante (Ispaniya, 1929—1930)

Lippo Xerska (Vengriya, 1930—1932)

Robert First (Avstriya, 1932—1934)

Fransisko Bru (Ispaniya, 1934—1941)

Xuan Armet (Ispaniya, 1941—1943)

Ramon Ensinas (Ispaniya, 1943—1945)

Xasinto Kinkoses (Ispaniya, 1945—1946, 1947—1948)

Baltasar Albenis (Ispaniya, 1946—1947, 1950—1951)

Maykl Kiping (Angliya, 1948—1950)

Ektor Skarone (Urugvay, 1951—1952)

Xuan Antonio Ipinya (Ispaniya, 1952—1953)

Enrike Fernandes (Urugvay, 1953—1954)

Xose Vilyalonga (Ispaniya, 1954—1957)

Luis Karnigliya (Argentina, 1957—1959; 1959)

Migel Munyos (Ispaniya, 1959; 1960—1974)

Manuel Fleytas (Paragvay, 1959—1960)

Luis Molovni (Ispaniya, 1974; 1977—1979; 1982; 1985—1986)

Milyan Milyanich (Yugoslaviya, 1974—1977)

Vuyadin Boshkov (Yugoslaviya, 1979—1982)

Alfredo Di Stefano (Ispaniya, 1982—1984; 1990—1991)

Amaro Amansio (Ispaniya, 1984—1985)

Leo Beenxakker (Gollandiya, 1986—1989; 1992)

Jon Toshak (Uels, 1989—1990; 1999)

Radomir Antich (Yugoslaviya, 1991—1992)

Benito Floro (Ispaniya, 1992—1994)

Visente Del Boske (Ispaniya, 1994; 1996; 1999—2003)

Xorxe Valdano (Argentina, 1994—1996)

Arsenio Iglesias (Ispaniya, 1996)

Fabio Kapello (Italiya, 1996—1997; 2006—2007)

Yupp Xaynkes (Germaniya, 1997—1998)

Gus Xiddink (Gollandiya, 1998—1999)

Karlush Keyrush (Portugaliya, 2003—2004)

Xose Antonio Kamacho (Ispaniya, 2004)

Mariano Garsiya Remon (Ispaniya, 2004)

Vanderley Lushemburgo (Braziliya, 2004—2005)

Xuan Ramon Lopes Karo (Ispaniya, 2005—2006)

Bernd Shuster (Germaniya, 2007—2008)

Xuande Ramos (Ispaniya, 2008—2009)

Chili Manuel Pellegrini (2009—2010)

Joze Mourinyu (Portugaliya, 2010—2013)

Karlo Anchelotti (Italiya, 2013—hozirgi vaqtgacha)

La-liga

ECHL

Klublar o‘rtasida JCh

Ispaniya kubogi

International Champions Cup

UYEFA Superkubogi

Ispaniya superkubogi

So'nggi uchrashuv

09.11.2024. La-liga . 13-tur.
18:00	Real Madrid	4-0	Osasuna

Navbatdagi uchrashuv

24.11.2024. La-liga . 14-tur.
22:30	Leganes	-:-	Real Madrid

JAMOA TARKIBI

• • №
  • Ism va familiya
  • Ampluasi
• • 1
  • Keylor Navas
  • darvozabon
• • 13
  • Kiko Kasilya
  • darvozabon
• • 31
  • Ruben Yanyes
  • darvozabon
• • 17
  • Alvaro Arbeloa
  • himoyachi
• • 2
  • Rafael Varan
  • himoyachi
• • 15
  • Daniel Karvaxal
  • himoyachi
• • 12
  • Marselo
  • himoyachi
• • 6
  • Nacho Fernandes
  • himoyachi
• • 3
  • Kepler Pepe
  • himoyachi
• • 4
  • Serxio Ramos
  • himoyachi
• • 23
  • Danilo
  • himoyachi
• • 11
  • Garet Beyl
  • yarim himoyachi
• • 10
  • Xames Rodriges
  • yarim himoyachi
• • 16
  • Mateo Kovachich
  • yarim himoyachi
• • 22
  • Fransisko Isko
  • yarim himoyachi
• • 14
  • Karlos Kazemiro
  • yarim himoyachi
• • 19
  • Luka Modrich
  • yarim himoyachi
• • 18
  • Lukas Vaskes
  • yarim himoyachi
• • 9
  • Karim Benzema
  • hujumchi
• • 20
  • Xese Rodriges
  • hujumchi
• • 7
  • Krishtianu Ronaldu
  • hujumchi