Россиялик собиқ футболчи, ҳозирда "Локомотив" мураббийлар штабида фаолият олиб бораётган Олег Пашинин "Футбол" нашрига берган интервьюсида нима учун ўз вақтида Ўзбекистон терма жамоасида ўйнашга қарор қилганини айтиб ўтди.
– Нима учун Ўзбекистон?
– Бу ҳақда доимо сўрашади. Ҳозир аниқ тафсилотларини эслолмайман. Ўша пайтда Ўзбекистон терма жамоасини Сальков бошқарарди. Унинг таклифини кўп ўйлаб ўтирмасдан қабул қилдим. Ўшанда Россия терма жамосида ўйнаш учун имконият йўқ эди. Қилган ишларимдан афсусланадиган одатим йўқ. Жумладан, бундан ҳам.
– Сиз фуқаролик паспортини олгансиз, тўғрими?
– Ҳа, у пайтда икки давлат фуқаролигига эга бўлиш мумкин эди. Ҳозир эса мен фақат Россия фуқароси ҳисобланаман.
– Ўз вақтида бошқа мамлакат терма жамоаси учун маҳаллийлаштирилган футболчи сифатида Россия терма жамоаси учун бундай амалиётни қўллашга қандай қарайсиз?
– Ўз футболчиларимизни тарбиялаш учун тўғри сиёсат олиб боришимиз керак. Шунда маҳаллийлаштириш масаласига ҳожат қолмайди. Агар ҳозирда бундай савол кўндаланг турган экан, профессионал футболчи қайси жамоа сафида майдонга тушишидан қатъи назар ўз ишини яхши бажаради. Лекин "ватанпарвар" сўзи маълум даражада аҳамиятга эга. Шунингдек, раҳбарлар бу муаммони маҳаллийлаштириш орқали ҳал қилишмоқчими ёки йўқми, олдин шуни аниқлаб олишлари лозим. Менга қолса, муаммони хорижлик футболчилар орқали эмас, ўз тарбияланувчиларимиз эвазига ҳал қилардим.
Матнда хатолик топсангиз, ўша хатони белгилаб, бизга жўнатинг (Ctrl + Enter).