Дунё футболида энг бозори чаққон футболчилар доимо бразилияликлар бўлиб келишган. Лекин менинг кузатишларимга кўра охирги вақтларда аргентиналик футболчиларнинг жаҳон футболида "кетмони учмоқда". Деярли ҳамма чемпионатда аргентиналикларни кўриш мумкин бўлиб қолди. Айрим топ-клублар сафида бир эмас, бир нечталаб аргентиналик футболчилар тўп суришмоқда.
Бразилия футболида эса қандайдур тушунарсиз ҳолатлар ҳукмрон. Шу кетиш бўлса авлодлар алмашинувидан сўнг Жаҳон футболига энг кўп футболчи етказиб берувчи мамлакат Бразилия эмас, балким Аргентина бўлиб қолади.
Ҳозир жаҳон футболида энг катта маош олувчи футболчилар рўйхатига қарар эканмиз, 1-ўринда Тевес йиллик 40 млн евро атрофидаги даромади билан турган бўлса, иккинчи ўринда яна бир аргентиналик Эзекьел Лавессини кўрамиз. 3-ўриндаги португалиялик Роналдуни ҳисобга олмасак, 4-ўринда яна бир аргентиналик Лионель Месси "Барселона" сафида милионлар ишлаб топмоқда.
Умумий трансферлар суммаси борасидаги рекордларда эса Анхель ди Мария 1-ўринда турибди, 3-ўринда эса Игуаин (барча трансфер суммаларини қўшиб чиқиш назарда тутилганда).
Тўғри, бразилиялик футболчилар ҳам кам бўлаётганлари йўқ. Аммо аргентиналик футболчиларнинг трансфер бозоридаги ютуқлари аллақачон сезилмоқда. Қолаверса, аргетиналик футболчилар нарх ва маош борасида бразилиялик арзонгаров футболчиларга нисбатан яхшироқ шартномаларга эга чиқишмоқда.
* * *
Келинг, энди топ клубларда неча нафардан бразилиялик ва аргентиналик футболчилар тўп сураётганини бир таҳлил қилиб кўрайлик.
Испания чемпионати
"Реал Мадрид" (аргентиналиклар - йўқ / бразилияликлар - 3)
"Барселона" (аргентиналиклар - 2 / бразилияликлар - 2)
"Атлетико Мадрид" (аргентиналиклар - 3 / бразилияликлар - 1)
"Севилья" (аргентиналиклар - 6 / бразилияликлар - 2)
Германия чемпионати
"Бавария" (аргентиналиклар - йўқ / бразилияликлар - 2)
"Борусия Дортмунд" (аргентиналиклар - йўқ / бразилияликлар - йўқ)
"Лейпциг" (аргентиналиклар - йўқ / бразилияликлар - 1)
"Айнтрахт Франкфурт" (аргентиналиклар - 1 / бразилияликлар - 2)
Италия чемпионати
"Ювентус" (аргентиналиклар - 2 / бразилияликлар - 3)
"Милан" (аргентиналиклар - 3 / бразилияликлар - йўқ)
"Интер (аргентиналиклар - 5 / бразилияликлар - 2)
"Рома" (аргентиналиклар - 3 / бразилияликлар - 5)
Англия чемпионати
"Манчестер Сити" (аргентиналиклар - 4 / бразилияликлар - 3)
"Манчестер Юнайтед" (аргентиналиклар - 2 / бразилияликлар - йўқ)
"Арсенал" (аргентиналиклар - 1 / бразилияликлар - 1)
"Челси" (аргентиналиклар - йўқ / бразилияликлар - 3)
Франция чемпионати
ПСЖ (аргентиналиклар - 3 / бразилияликлар - 4)
Демак, топ-клубларда жами: аргентиналиклар - 35 / бразилияликлар 34.
* * *
Топ-клубларда аргентиналикларнинг сони биттага кўп бўлса-да, бутун дунё миқёсида барибир бразилиялик футболчилар кўпчиликни ташкил этишади. Шундай бўлсада юқридаги гапларимни такрорлайдиган бўлсам, яқин келажакда кўп нарса ўзгариши мумкун.
Худойберганов Улуғбек (Bek_Uzbekistan)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
