Бугун “Навбаҳор” Тошкентда “Пахтакор” жамоаси меҳмони бўлади.
Мамлакат чемпионатининг 8-туридан ўрин олган навбатдаги учрашув жамоаларнинг олий лигадаги ўзаро 51-ўйини сифатида қайд этилади. Рақиблар шу кунга қадар умумий ҳисобда Ўзбекистон чемпионатида 50 маротаба ўзаро куч синашишган. 33 та ўйин «Пахтакор» ғалабаси билан якун топган бўлса, 11 та баҳсда «Навбахор»нинг қўли баланд келган, 6 қарама-қаршиликда дуранг кузатилган. Тўплар нисбатидаги кўрсаткич 90-37, рақиб фойдасига.
Навбатдаги тур олдидан “Пахтакор” клуби раҳбарияти ва мураббийлар штабида жиддий ўзгаришлар рўй берганлигини қўшимча қилиш жоиз. Раҳбарият алмашгач, бугун бўлиб ўтадиган ўйин арафасида бош мураббий ҳам алмашди. Қисқа фурсат оралиғида бош мураббий сифатида иш юритган Равшан Ҳайдаров ўрнини Жасур Абдураимов эгаллади. Эътиборли жиҳати Абдураимов бош мураббийликни вақтинчалик бажариб туради. Бу эса “Пахтакор”да яна бир бор мураббий алмашишидан дарак бермоқда.
Тошкентликлар бир тур олдин “Локомотив”га қарши жиддий ўйинда майдонга тушишгани сабабли бир қатор йўқотишлар кузатилди. Шу сабабли “Навбаҳор” билан ўтадиган баҳсда дисквалификация туфайли Александр Лобанов, Камолиддин Тожиев ва Даврон Ҳошимовлар майдонга туша олишмайди. Бундан ташқари жамоа таркибида жароҳат туфайли учрашувда иштирок эта олмайдиган футболчиларни борлиги ҳам эътироф этилмоқда.
Ўзаро ўйинлар статистикасига назар ташлаб, айрим қизиқарли рақамларга гувоҳ бўлиш мумкин. Масалан Александр Гейнрих қарама-қаршиликлардаги тўпурар номига эга бўлиб турибди. «Пахтакор» шарафини ҳимоя қилган Гейнрих «Навбаҳор» дарвозасини саккиз бор нишонга олган. Яна бир собиқ «пахтакор»чи Зайниддин Тожиев ҳисобида бешта гол бор.
«Навбаҳор» сафида майдонга тушган Олег Шацких, Леонид Кошелев ва Шуҳрат Мирхолдиршоевлар тўрт мартадан пойтахтликлар дарвозасини нишонга олишган. Эътиборли жиҳати Кошелев ҳар икки жамоада ҳам гол уришга эришган. Яъни «Навбаҳор»дан кетган Леонид «Пахтакор» сафида уч бор муваффақият қозонган. Шунингдек, Владимир Баранов ҳамда Вадим Котельниковлар ҳам ҳар икки жамоа таркибида муваффақият қозонишган.
«Пахтакор» жамоасининг шу кунга қадар «Навбаҳор» дарвозасига киритган 90 та голининг ўн биттасини пенальтидан урилганлигини эътироф этиш ўринли. Яна учта голга эса жамоамиз таркибида ҳаракат қилган Шавкат Раимқулов, Дониёр Усмонов ва Игорь Голбанлар муаллифлик қилишган. Яъни ушбу ҳимоячилар ўз дарвозаларига тўп киритиб қўйишган.
2009 йилги чемпионатнинг иккинчи даврасидан ўрин олган учрашувда Александр Гейнрих қарама-қаршиликлардаги ягона «хет-трик» муаллифига айланганди. Учрашувда қайд этилган 7:0 ҳисоби ўзаро ҳисоб-китобдаги энг йирик натижа бўлиб тарихга кирган. Ўйинлар давомида тўққизта «дубль» кузатилганлигини ҳам қўшимча қилиш лозим. «Дубль»ларнинг иккитасига «Навбаҳор» таркибида ҳаракат қилган Шуҳрат Мирхолдиршоев ва Александр Шадринлар муаллифлик қилишган.
«Пахтакор» ўзаро ўйинларнинг тўққизтасида йирик ҳисобдаги ғалабаларни қўлга киритган. Йирик натижалар 2000 йилдан кейин кузатилганлигини ҳам қўшимча қилиш мумкин. Ҳозирча жамоамиз ҳисобида ана шундай йирик ғалабалар мавжуд эмас. Ўзбекистон чемпионатлари ўтказила бошлаган дастлабки йилларда рақибларнинг ўзаро ўйинларида нисбатан тенглик кузатилганди. Аммо, кейинчалик «Пахтакор»ни кучли таркибга эга бўлиши ва деярли ҳар бир мавсум учрашувларида фақат ғалабани тантана қилиши ўртадаги фарқни катта бўлишига олиб келганди.
Эслатиб ўтамиз, бугун соат 18.30да Тошкентдаги “Пахтакор” марказий ўйингоҳида бошланадиган «Пахтакор» - “Навбаҳор” учрашувини навоийлик Зокир Қодиров бошқаради. Унга қанотларда навоийлик Обид Жумаев ва Руслан Самандаровлар ёрдам беришади. Захирадаги ҳакам вазифасини қаршилик Қаҳрамон Расулов бажаради. Назоратчи ҳакамлик самарқандлик Хушвақт Мухторов зиммасига юклатилган. Учрашувни ПФЛ вакили сифатида Фарҳод Магаметов кузатиб боради.
Жамоаларнинг ўзаро ўйинлари натижалари
1992 йил
«Навбаҳор» - «Пахтакор» - 1:1
Голлар: У.Рўзимов (82) – В.Кечинов (12).
«Пахтакор» - «Навбаҳор» - 1:0
Гол: Н.Ҳасанов (60).
1993 йил
«Пахтакор» - «Навбаҳор» - 3:2
Голлар: Р.Галиев (10), Ш.Мақсудов (31), В.Кечинов (70-пен.) – В.Келдиев (12), Қ.Абдуқодиров (27).
«Навбаҳор» - «Пахтакор» - 2:1
Голлар: Ф.Хабибулин (75), М.Байрамов (82) – Ш.Мақсудов (65).
1994 йил
«Пахтакор» - «Навбаҳор» - 1:1
Голлар: А.Раҳимов (63) – С.Арслонов (30).
«Навбаҳор» - «Пахтакор» - 1:1
Голлар: Ф.Хабибулин (26) – И.Шарипов (90).
1995 йил
«Навбаҳор» - «Пахтакор» - 1:0
Гол: О.Шацких (37).
«Пахтакор» - «Навбаҳор» - 1:2
Голлар: А.Маъруфалиев (17) – О.Шацких (31), З.Мусабоев (87).
1996 йил
«Навбаҳор» - «Пахтакор» - 1:0
Гол: О.Шацких (71).
«Пахтакор» - «Навбаҳор» - 3:1
Голлар: Р.Бозоров (13,76), С.Ходиев (81) – Ф.Магометов (82).
1997 йил
«Пахтакор» - «Навбаҳор» - 2:2
Голлар: А.Абдураимов (29-пен.), С.Моргулис (72) – О.Шацких (01), Қ.Абдуқодиров (27).
«Навбаҳор» - «Пахтакор» - 1:0
Гол: Ш.Абдураҳмонов (04).
1998 йил
«Навбаҳор» - «Пахтакор» - 1:0
Гол: Э.Гамбаров (26).
«Пахтакор» - «Навбаҳор» - 2:0
Голлар: И.Шквирин (4-пен.,62).
1999 йил
«Пахтакор» - «Навбаҳор» - 3:1
Голлар: А.Хвостунов (23), И.Шквирин (42-пен.), А.Абдураимов (78) – Л.Кошелев (43).
«Навбаҳор» - «Пахтакор» - 1:0
Гол: Л.Кошелев (75).
2000 йил
«Навбаҳор» - «Пахтакор» - 2:0
Голлар: Ш.Мирхолдиршоев (45,84).
«Пахтакор» - «Навбаҳор» - 2:1
Голлар: И.Шквирин (13), В.Баранов (21) – Л.Кошелев (19).
2001 йил
«Навбаҳор» - «Пахтакор» - 0:1
Гол: Б.Сейткамолов (79).
«Пахтакор» - «Навбаҳор» - 2:1
Голлар: В.Лютий (31), Л.Кошелев (72) – В.Котельников (67).
2002 йил
«Пахтакор» - «Навбаҳор» - 5:1
Голлар: Н.Қуттибоев (06), Л.Кошелев (10), В.Кирьян (59), Г.Гочкулиев (71), В.Котельников (75) – Ш.Мирхолдиршоев (65).
«Навбаҳор» - «Пахтакор» - 0:1
Гол: Г.Гочкулиев (15)
2003 йил
«Навбаҳор» - «Пахтакор» - 1:1
Голлар: Ж.Ҳасанов (56) – Т.Кападзе (64).
«Пахтакор» - «Навбаҳор» - 1:0
Гол: М.Бикмаев (75).
2004 йил
«Пахтакор» - «Навбаҳор» - 3:0
Голлар: Л.Кошелев (12), З.Тожиев (45+1,69).
«Навбаҳор» - «Пахтакор» - 1:0
Гол: Ш.Мирхолдиршоев (47).
2005 йил
«Пахтакор» - «Навбаҳор» - 2:0
Голлар: А.Гейнрих (61), Л.Кошелев (84).
«Навбаҳор» - «Пахтакор» - 0:3
Голлар: Т.Кападзе (22), Ш.Раимқулов (75-автогол), А.Солиев (84).
2006 йил
«Навбаҳор» - «Пахтакор» - 1:0
Гол: А.Мирзоев (72).
«Пахтакор» - «Навбаҳор» - 3:0
Голлар: З.Тожиев (45), С.Жепаров (45+1-пен.), А.Солиев (48).
2007 йил
«Пахтакор» - «Навбаҳор» - 2:0
Голлар: С.Жепаров (3), А.Солиев (5).
«Навбаҳор» - «Пахтакор» - 1:2
Голлар: В.Баранов (65) – И.Суюнов (36), З.Тожиев (79).
2008 йил
«Пахтакор» - «Навбаҳор» - 3:0
Голлар: А.Гейнрих (64-пен.), С.Абдуллаев (82), О.Аҳмедов (90+2).
«Навбаҳор» - «Пахтакор» - 0:5
Голлар: И.Суюнов (36), Э.Магдеев (44), А.Гейнрих (47), З.Тожиев (70), Д.Маркович (79).
2009 йил
«Навбаҳор» - «Пахтакор» - 1:2
Голлар: А.Маҳмудов (88) – С.Андреев (49), О.Аҳмедов (85).
«Пахтакор» - «Навбаҳор» - 7:0
Голлар: А.Гейнрих (4,42,48), О.Аҳмедов (24,62), Ғ.Ўрунов (66), Ф.Тожиев (75-пен.).
2010 йил
«Навбаҳор» - «Пахтакор» - 0:1
Гол: А.Азизов (20).
«Пахтакор» - «Навбаҳор» - 3:1
Голлар: Д.Усмонов (45-автогол), А.Гейнрих (48,60) - А.Абдуллаев (74).
2011 йил
«Пахтакор» - «Навбаҳор» - 2:1
Голлар: Т.Абдухолиқов (28), Д.Савич (35) – О.Валижонов (31).
«Навбаҳор» - «Пахтакор» - 2:0
Голлар: А.Шадрин (19,24).
2012 йил
«Пахтакор» - «Навбаҳор» - 2:1
Голлар: В.Козак (14), К.Махарадзе (77-пен.) – И.Бойдедаев (90).
«Навбаҳор» - «Пахтакор» - 0:1
Голлар: К.Махарадзе (35).
2013 йил
«Пахтакор» - «Навбаҳор» - 2:0
Голлар: И.Сергеев (20), Ж.Оганесян (37).
«Навбаҳор» - «Пахтакор» - 2:2
Голлар: Р.Аҳмедов (49-пен.), А.Абдуллаев (90+1) – Д.Шарофиддинов (7), Ж.Искандеров (44).
2014 йил
«Пахтакор» - «Навбаҳор» - 2:1
Голлар: И.Сергеев (5), Б.Миладинович (90+4-пен.) – Б.Ёқубов (10).
«Навбаҳор» - «Пахтакор» - 0:1
Гол: Б.Миладинович (90-пен.).
2015 йил
«Пахтакор» - «Навбаҳор» - 1:0
Гол: С.Андреев (83).
«Навбаҳор» - «Пахтакор» - 0:1
Гол: К.Махарадзе (77).
2016 йил
«Пахтакор» - «Навбаҳор» - 3:0
Голлар: И.Сергеев (36-пен.,62), И.Голбан (59-автогол).
«Навбаҳор» - «Пахтакор» - 1:5
Голлар: Ш.Аббосов (90+2) - Ж.Соҳибов (29,86), А.Аҳмедов (53), Ж.Ҳакимов (62), Ж.Искандеров (77).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
