Ғафур Ғуломнинг қизиқ бир гапи бор: “Салобатлироқ шеър ёзмоқчи бўлсанг, ўтиб кетган машҳур зотлар номидан ёз! Шунда шеър ёзиш мобайнида ўша тарихий шахснинг қиёфасига кирасан ва ўзинг айтолмаган, айтишга ийманган кучли фикрни қўрқмасдан ёзасан!”
Жаҳон футболидаги Златан Иброҳимович сиймосини ёзиш жараёнида менда ҳар доим шу ҳолат ҳукмрон бўлган негадир. Златан бўлиб ёзгим келаверган мақолани. Шундагина унинг ҳар бир ҳаракатини тушунгандек бўламан. Швед ўғлонининг кимларгадир хунук кўринган қилиқлари ҳам маънили кўрина бошлаган шунда.
Златан сиймоси деганда нимани тушунамиз? Мисол учун Балотелли. Италиялик қора танли ҳужумчи ўзини мақташда Иброҳимовичдан қолишмайди. Лекин ҳеч сезганмисиз, унга бу гаплар ярашмайди. Лекин Златанникини ҳазм қила оламиз. Бир хил сўз икки одамнинг оғзидан икки хил чиқади гоҳида. Уларнинг мавқеи шуни тақозо этади.
Златанни кимдир Месси ва Роналду асрида туғилиб қолгани учун ҳам омадсиз дейди. Бўлмаган гап. У яшил майдонда Буффон дарвозасига гол уриб юрган пайтлари Лео кичкина бола бўлган, Криш эса шунақа голлар уришни орзу қилган. Златанни исталган даврга отиб юборинг, у шундайлигича қолаверади. Марадона асрида ҳам, Пеле асрида ҳам. Чунки у бошқача бўла олмайди, бошқача ўйнай олмайди.
Мессининг баъзи ҳаракатларини Роналду ҳеч қачон такрорлай олмайди. Криштианунинг баъзи зарбалари ҳам Леога имконсиз юмуш. Лекин Златан шу иккала боланинг ҳар бир ҳаракатини амалга ошира олган экан, ҳеч сезганмисиз? Ва қўшимча тарзда, у иккиси ҳеч қачон бажара олмайдиган акробатик зарбаларни ўйнаб кулиб амалга оширади.
Златаннинг ёшини биласиз-а? 36! Зидандек даҳо ҳам 34 ёшида ўзидаги нуқсонларни сезган ва обрўси борида футболдан кетган. Иброҳимович дарвозабонларгагина хос бўлган ёшда жуда кучли футбол кўрсатяпти. Қариб қолгани озгина сезилса ҳам, жамоасининг энг яхши ўйинчиси бўлиб турибди барибир. Тоттининг захирадан тушиб, номигагина ўйнаб юргани қаёқдаю, қаҳрамонимизнинг юқори савияли ўйин кўрсатаётгани қаёқда? Фарқ катта-я???
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
www.maydon.uz
