Maydon.uz блоги: Интервью. Акром Комилов: “Бундан кейин қизил карточка олмайман деб ўзимга ўзим сўз бердим”
Баҳо:
+0; -0
Тошкентнинг “Бунёдкор” клуби ҳимоячиси, шунингдек миллий терма жамоага номзод ҳисобланган футболчилардан бири Акром Комилов ОЧЛнинг 2-туридан сўнг кўп танқид қилинмоқда. Истеъдодли футболчи “Ал Айн”га қарши ўйинда қизил карточка олиб, жамоасини қийин аҳволга солиб қўйган эди. “Бунёдкор”нинг мағлубиятида футболчининг қанчалик айби бор? Сергей Лушчаннинг топилмаларидан бири, “Бунёдкор”нинг бугунги кундаги асосий ўйинчиларидан бирига айланган истеъдодли ҳимоячи Maydon.uz сайтига интервью берди ва “Ал Айн”га қарши ўйин ва айни дамдаги ҳолати ҳақида сўзлади.
Гарчи майдонда бунинг акси кўринса-да, футболчи жуда тортинчоқ ва юмшоқ феъли билан ажралиб туради. У мардларча “Ал Айн”га қарши ўйиндаги қизил карточкаси туфайли жамоасини қийин вазиятга туширганини тан олди.
— “Ал Айн”га қарши ўйинда қизил карточка олиб жамоамни қийин аҳволга солиб қўйдим. Буни тан оламан. Айнан шу қизил карточка туфайли “Бунёдкор” мағлуб бўлди, деб ҳисоблайман. Бунинг учун жамоадошларимдан ва мухлислардан узр сўрайман. Бу менга қаттиқ таъсир қилди ва бундан сўнг умуман қизил карточка олмасликка ва ўзимни босиб олишга бор кучим билан ҳаракат қиламан.
– Умуман олганда, мағлубиятга фақат қизил карточка сабаб бўлмади. Икки ўйинда ҳам “Бунёдкор” ҳимоячилари анча хатоларга йўл қўйишди. Бу борада мураббийлар штаби футболчилар билан ишлаяптими?
– Мураббийлар хатоларимизни тушунтиришаяпти. Тўғри, икки ўйинда кўп хатоларга йўл қўйдик ва буни ўзимиз ҳам биламиз. Лекин, бу вақтинчалик ва бунга ишонаман. Биз ҳаммасини тўғирлаймиз. Шунчаки, бизга бироз вақт керак, сабаби, мавсум энди стартга кирди.
– “Бунёдкор” нафақат ОЧЛнинг, балки, Олий лиганинг ҳам ўртача ёш бўйича энг ёш жамоаларидан бири. Бу ҳолат жамоага қийинчилик туғдирмайдими? Жамоанинг ушбу мавсумдаги режалари қандай?
– Тўғри, жамоамиз жуда ёш. Аммо, биз ўзимиз иштирок этаётган ҳар бир турнирда ғалаба қозонишни истаймиз. Жамоа ёш бўлса ҳам анча салоҳиятга ва етарлича тажрибага эга. Биз ҳар бир ўйинда ғалаба учун майдонга тушамиз ва ўзимиз қатнашаётган барча турнирда ғалаба қозонишга ҳаракат қиламиз.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
www.maydon.uz
