06:00 Снукер. Wuhan Open. Финал. 08:00 Велоспорт. Пролог. Мужчины и женщины. 10:00 Снукер. Wuhan Open. Финал. 11:30 Автогонки на выносливость. FIA WEC. 6 часов Спа-Фракоршама. Гонка. 13:35LIVE Велоспорт. Первый этап. Женщины. Прямая трансляция. 15:15 Легкая атлетика. Марафон. Чикаго. 16:30 Велоспорт. Тур Ломбардии. Мужчины. 17:20LIVE Велоспорт. Первый этап. Мужчины. Прямая трансляция. 19:00LIVE Велоспорт. Джиро дель Венето. Мужчины. Прямая трансляция. 19:45 Трековый велоспорт. Чемпионат мира. Шанхай. День 1. 21:15 Велоспорт. Первый этап. Женщины. 22:00 Скалолазание. Мужчины и женщины. Финал. Мировая серия. Гуйян. 23:00 Снукер. Чемпионат мира. Финал. 00:30 Яхтинг. Дух парусного спорта. 01:00 Автогонки на выносливость. FIA WEC. 6 часов Спа-Фракоршама. Гонка. 03:00 Снукер. British Open. Финал. 04:30 Автогонки на выносливость. FIA WEC. 24 часа Ле-Мана. Гонка.
ТИХАНА НЕМЧИЧ: «ЭРКАКЛАРГА БАҚИРИШ НОҚУЛАЙ, АММО ШУНГА МАЖБУРМАН!»
Баҳо:
+0; -0
ТИХАНА НЕМЧИЧ: «ЭРКАКЛАРГА БАҚИРИШ НОҚУЛАЙ, АММО ШУНГА МАЖБУРМАН!»
Футбол — эркаклар ўйини. Маълум муддатгача бу тушунча ҳукмрон бўлиб келди. Аммо кейинчалик аёллар футболига асос солингач, мазкур тушунча ўзгарди. Шунда ҳам аёллар эркаклар футболига, эркаклар эса аёллар футболига аралашмасди. Бироқ яқинда аёллар жамоаларини эркак мураббийлар бошқара бошлади. Бу тушунарли, албатта. Лекин аёл мураббийнинг эркак футболчилардан иборат жамоаларни бошқаришига нима дейсиз? Тўғри, бир қарашда эркакларга буйруқ бераётган аёлни тасаввур қилиш қийин. Бироқ, буни қарангки, хорватиялик Тихана Немчич бу ҳолатни оддий воқеликка айлантирди. Яъни у дунё футболидаги биринчи аёл мураббий, аниқроғи, эркак футболчилардан тузилган клубни бошқаришни зиммасига олган илк аёл мураббий ҳисобланади.
Тихана Немчич 1988 йилнинг 20 январида Хорватияда таваллуд топган. Ўз вақтида Хорватия терма жамоасида тўп сурган, шу билан бирга фотомодель сифатида ҳам фаолият юритган. Айни пайтда эса у Хорватия чемпионатининг 5-дивизиони иштирокчиси ҳисобланган «Виктория» клубини бошқариб келмоқда.
ФУТБОЛЧИЛИКДАН МУРАББИЙЛИККА
Тихана профессионал футболчи сифатида ўз вақтида Хорватиянинг «Аграм» ва «Динамо» жамоаларида ҳаракат қилган. Яшил майдонда 10 йилга яқин тўп сурган. Хорватия терма жамоаси сафида эса 5 та расмий ўйинда майдонга тушган. У футболчилик фаолиятини узоқ вақт давом эттириши мумкин эди, лекин 2012 йилда тиззасидан олган жароҳати бунга халал берди. Футболчи сифатида майдонга бошқа туша олмаслигини билган Тихана бутсасини михга илишга мажбур бўлди. Аммо футболдан узоқлашмади, ҳозиргача бош мураббийлик билан шуғулланиб келмоқда. Тихана Загреб университетида ўқиб юрганидаёқ бу жамоа билан таниш эди. У шу жамоада футбол оламидаги карьерасини янги босқичга олиб кирди.
БУ МЕНИНГ ИШИМ
Табиийки, Тихананинг эркаклар клубини бошқариши жамоатчиликнинг эътиборини тортмай қолмади. Оммавий ахборот воситаларида у ҳақда кўплаб мақолалар, Тихана билан бўлган интервьюлар чоп этила бошланди. Унга бериладиган саволларнинг аксарияти қуйидаги мазмунда эди: «Эркак футболчиларга сўзингиз ўтадими?» Бу саволларга Тихана қуйидаги мазмунда жавоб қайтарган: «Албатта. Чунки футболчилар менга аёл эмас, мураббий сифатида қарашади. Тўғри, эркакларга бақириб, буйруқ бериш, уларни бошқариш мушкул иш. Аммо бу менинг вазифам, уни бажаришга мажбурман. Умуман олганда, бундан афсусланмайман. Биз ҳаммамиз профессионалмиз».
ГЎЗАЛЛИК ОЛАМИДА
Футболдан ташқари, Тихана ўзини моделликда ҳам синаб кўра бошлади. У 2008 йилда ўтказилган «Хорватия спорт гўзаллари» танловида финалга қадар етиб борган. Шунингдек, кўплаб компанияларнинг реклама роликларида ва аёллар журналлари муқовалари учун ҳам суратга тушган.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Mazmun.uz — барчаси футбол учун
