"Барcелона" ва "Эспаньол"да тўп сурган футболчилар (1-қисм)
Баҳо:
+0; -0
Каталониянинг икки жамоаси "Барселона" ва "Эспаньол" қарама-қаршилиги мухлисларни бефарқ қолдирмайди. Биз мазкур иккала жамоа таркибида ҳам тўп суришга муваффақ бўлган футболчилар ҳақида сўз юритишга қарор қилдик.
Рикардо Замора Замора 1916-1919 йиллар мобайнида "Эспаньол" таркибида тўп сурган. У 3 мавсум ичида 1 марта Каталония чемпиони бўлган. Шундан сўнг, у 1919-1922 йилларда "Барселона" шарафини ҳимоя қилди ва бу жамоа билан биргаликда 3 марта Каталония чемпионатида 2 бора Испания кубогида зафар қучди. Рикардо 1922 йили яна "Эспаньол"га қайтди ва жонажон жамоаси либосида 8 мавсум тўп суриб, чемпионат ва кубокда яна олтин медалларга сазовор бўлди. Энг қизиғи Замора шундан кейин Мадриднинг "Реал" жамоасида 6 мавсум ҳаракат қилган.
Золтан Цибор 1958 йилги жаҳон чемпионатидан сўнг Цибор "Барcелона" билан шартнома тузди. Венгриялик ҳужумчи каталонияликлар сафида 3 мавсум мобайнида чемпионатда 38 учрашувда 17 та тўп киритиб, икки марта олтин медални қўлга киритди. Золтан 1961 йилда "Эспаньол"га йўл олди. Бироқ унинг ишлари орқага кета бошлади. Чемпионатда 10 ўйинда 2 та гол урган ҳужумчи ватанига қайтишга мажбур бўлди.
Ладислау Кубала 3 та мамлакат шарафини ҳимоя қилган ягона футболчи ҳисобланадиган Кубала "Барcелона"да омадли йилларини ўтказган. Ладислау 1951 йилда клуб либосини кийди ва 10 йил мавсум мобайнида ўз ҳисобига 194 та гол ёздириб қўйиб, 4 марта Ла лига чемпиони бўлди. Кубала 1961 йили "Эспаньол"га ўтишга қарор қилди. Каталониянинг иккинчи жамоасида 7 гол урган футболчи кейинчалик Швейцарияга кўчиб ўтишга қарор қилди.
Каетано Ре "Барса" 1962 йили "Элче"дан Рени сотиб олди. Иқтидорли ҳужумчи 4 мавсумда Ла лигада 56 та голга муаллифлик қилди. Жамоа билан испания кубоги ва УЕФА кубогида зафар қучди. Шунингдек 1965 йили Испания чемпионатининг энг сермаҳсул футболчисига аталган совринга эга чиқди. Каетано 1966 йили "Эспаньол"га ўтди ва 5 мавсумда мазкур жамоа учун атиги 23 та гол уриб, фаолиятига якун ясади.
Хавьер Уррутикоэчеа "Реал Соседад" тарбияланувчиси 1977 йили "Эспаньол"га йўл олди. У 4 мавсумда Ла лигада 121 та учрашувда клуб дарвозасини ишончли тарзда қўриқлади. Хавьерни шундан сўнг "Барселона" сотиб олди. У "кўк-анорранглилар" таркибида 7 мавсум тўп суриб, жамоанинг Испания чемпионати, кубоги, суперкубоги, Кубок эгалари кубоги мусобақаларидаги муваффақиятларига муносиб улуш қўшди.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
FCB.UZ — бу «Барселона»
