Биринчи лига жамоа-лари ўртасидаги марказий учрашув. Ўйиннинг 90-дақиқаси, мезбонларнинг 18 ёшли ҳужумчиси дарвозабон билан бирга бир вазиятга чиқиб бормоқда...
- Тўпни дарвозабоннинг устидан ошириб ташласаммикан ёки алдаб ўтиб, бўш дарвозани ишғол қилсаммикан? Ие, ёнимдаги жамоадошим янаям қулай вазиятда турибди-ку. Агар тўпни узатсаму, у гол урса, машҳур бўлиб кетади. Мен эса сояда қолиб кетишим аниқ. Шундай экан, ўзим зарба берганим маъқул. Агар ҳозир гол урсам, мухлисларнинг ёқимтойига айланиш билан биргаликда жуда машҳур бўлиб кетаман-да ўзи-ям. Кейин олий лигага йўл оламиз. Шундан сўнг гранд жамоалар мени талашишади. Бу пайтга келиб, ёшлар терма жамоасидан таклиф олсам, Осиё чемпионатига бораман ва биз чемпионликни қўлга киритсак, ўзим энг яхши тўпурар бўлсам, йил якунларига кўра, қитъанинг энг яхши ёш футболчиси мақомини оламан. Миллий чемпионатимиз старти арафасида бирор гранд клуб сафидан ўрин олсам, чемпионлик билан бир қаторда тўпурарликни ҳам қўлга киритаман ва миллий терма жамоага жалб қилинаман. Кейинчалик ёшлар ўртасидаги жаҳон чемпионатида муваффақиятли тўп суриб, Европанинг кучли клублари скаутларини кўзига тушаман ва аввалига Россияга йўл оламан. Қайси жамоада тўп сурсам экан-а? Ҳа, топдим, «Анжи»га ўтаман. Махачқалъаликлар билан премьер-лигада зафар қучиб, тўпурар бўлсам, тарихдан жой оламан, кейин Европанинг мана-ман деган жамоаларидан совчилар келиши муқаррар. Терма жамоа таркибида Осиё чемпионатида ҳам зафар қучиб, тўпурарлик салоҳиятини ишга соламан. Натижада йил якунларига кўра, Осиёнинг энг яхши футболчи сифатида эътироф этиламан. Қарабсизки, шундан кейин мадриднинг «Реал» жамоасига йўл оламан. Галактикос таркибида Роналду билан ажойиб тандем ҳосил қилиб, нафақат Испания, бутун Европани ларзага соламиз. Испания чемпионати ва кубоги, Чемпионлар Лигаси, ундан кейин Испания ва Европа суперкубоги ҳамда Клублар ўртасидаги мундиалда бизнинг йўлимизга тўғаноқ бўладиган рақиб чиқмайди.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
FCB.UZ — бу «Барселона»
