KUN.UZ: 17-18 март оқшомларида евромайдонларда 4та катта ўйин бўлиб ўтади. Бу кунларда ЕЧЛ нимчорак финали доирасидаги охирги 4 учрашув ўтказилади ҳамда чорак финалга йўл оладиган 4 жамоа номи маълум бўлади.
“Монако” – “Арсенал”
Сешанба оқшомида футбол мухлислари эътибори Монако князлигидаги Луи II ўйингоҳига қаратилади. Бу ерда нимчорак финалнинг биринчи учрашувида сафарда, Лондон шаҳрида “Арсенал”ни 3:1 ҳисобида мағлуб этиб қайтган мезбонлар ўз устунликларини сақлаб қолиш учун ўйин жавоб ўйинини ўтказади. Ўз уйида кутилмаганда мағлуб бўлган “канонирлар” бу майдонга умид билан ташриф буюришади. Арсен Венгер шогирдларини фақат 3та тўп фарқи билан ғалаба ёки 4тадан ортиқ гол урган ҳолда икки тўп фарқини сақлаш натижаси қониқтиради.
Маълумот учун, монегаскликлар жорий мавсумда ЕЧЛ доирасидаги ўз майдонида ўтказилган ўйинларда ҳали гол ўтказиб юбормаган. “Арсенал”дан эса, камида 3та гол уриш ва ўз дарвозаси дахлсизлигини сақлаш талаб этилади.
Бу ўйин НТВ+Футбол 2 телеканалида, Тошкент вақти билан 00:45 дан бошлаб эфирга узатилади. Ўйинни норвегиялик ҳакам Свейн Моэн бошқариб боради.
“Атлетико” – “Байер”
Бугун Мадридда ҳам шиддатли баҳс бўлиб ўтади. “Атлетико” Германиянинг “Байер” жамоасини қабул қилади. Бу ўйинда мезбонларнинг яққол устунликка эришиши кутилаётган бўлсада, жамоа ҳужумчилари охирги пайтларда гол уришни унутиб қўйишганини қайд этиш керак. Раул Гарсия 480 дақиқадан бери, Торрес 327 дақиқадан бери, Гризманн 282 дақиқадан бери, Манжукич эса 181 дақиқадан бери гол уришга муваффақ бўла олмаган.
Қолаверса, сафар ўйинида “матрасчилар” 0:1 ҳисобида мағлуб бўлган. Меҳмонларни дуранг натижа ҳам қониқтиради.
Ўйин “Висенте Кальдерон” ўйингоҳида ўтказилади ва НТВ+Футбол 1 каналида соат 00:45 дан бошлаб эфирга узатилади. Ўйинга ҳакам сифатида италиялик Никола Риццоли тайинланган.
“Барселона” – “Манчестер Сити”
АПЛнинг навбатдаги турида “Бёрнли” жамоасидан мағлуб бўлган “шаҳарликлар”, 18 март оқшомида Каталонияда ҳал қилувчи баҳсда ўйнашади. Биринчи учрашувда ўз майдонида 1:2 ҳисобида мағлуб бўлган Мануэль Пеллегрини шогирдларига “Барселона”ни сафарда 2:0 ҳисобида мағлуб этиш вазифаси қўйилган.
Қайд этиш керакки, аввалги ўйинда дисквалификация туфайли жамоасига ёрдам бера олмаган Яя Туре бу учрашувда майдонга туша олади.
Мутахассислар ўтган ҳафтада “ПСЖ” ва “Шальке” жамоалари сафарда “Челси” ҳамда “Реал”ни мағлуб этишганига эътибор қаратиб, инглизларда бу ўйинда натижага эришиш учун назарий жиҳатдан имконият борлигини таъкидлашмоқда.
Бу ўйин ҳаками италиялик Жанлука Рокки бўлиб, ўйинни ўзбекистонлик мухлислар НТВ+Футбол 2 каналида соат 00:45 дан бошлаб томоша қилишлари мумкин.
“Боруссия Д” – “Ювентус”
“Ювентус” жамоаси “Боруссия Д” кучая бошлаган вақтда немисларга дуч келиб қолди. Ўз майдонида ўтган биринчи ўйинда туринликлар 2:1 ҳисобида ғалаба қозонишган бўлсада, сафарда уларда имконият жуда камлиги айтилмоқда. Юрген Клопп бошчилигидаги “асаларилар” “Вестфалле-Штадион”да ўз рақибларини катта иштиёқ билан кутиб турибди.
Бу ўйин НТВ+Футбол 2 каналида 19 март кунига ўтар кечаси, соат 00:45 дан бошлаб эфирга узатилади. Бу ўйинни сербияли ҳакам Милорад Мажич бошқаради.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
